Edi Rama në krye të OSBE, si Hitleri…
nga Agim Popoci
Kjo fillimjavë përkundër paralajmërimit ishte tronditëse për kombin shqiptar kur panë se si kryesimin e OSBE e mori Edi Rama! Me misionin dhe kryesimin, para shqiptarëve u shemb një piramidë e tërë ëndrrash evropiane, me therrorësinë e burgut të Spaçit për KSBE-në dhe luftën e Kosovës me OSBE-në përballë serbëve, me pasurinë 200 milionëshe të Kryeministrit dhe gishtin e Ambasadorit Bochardt, si dhe me çertifikimin e zgjedhjeve dhe zgjedhjet moniste të Edi Ramës në Qershorin e vitit 2019.
Dekalogu nga Akti i Helsinkit që kishte themeluar Konferencën për Siguri dhe Bashkëpunim në Evropë, KSBE, dhe rregulloi sjelljen e shteteve ndërmjet njëri-tjetrit dhe kundrejt qytetarëve të tyre, shërbeu gjatë Luftës së Ftohtë për komunikim mes Lindjes dhe Perëndimit, si dhe roli i kësaj organizate në luftën e Kosovës edhe kur ndryshoi emrin në OSBE, arsyetoi revoltën e të burgosurv politik në Spaç që kërkonin anëtarësim në KSBE dhe krijoi tek shqiptarët një bindje ndryshe pas Masakrës së Reçakut duke rikonfiguruar përceptimin e tyre.
Jo pse ishte e qartë se misioni i OSBE është të ndihmoj shtetet pjesëmarrëse të saj të ndërtojnë institucione demokratike, të mbajnë zgjedhje demokratike të vërteta dhe transparente; të garantojnë respektimin e të drejtave të njeriut, lirisë së medias, të drejtave të pakicave kombëtare dhe shtetit të së drejtës! Jo pse OSBE kryesohet çdo vit, nga një Shtet pjesëmarrës i ndryshëm ku Ministri i Jashtëm i atij shteti shërben si Kryetar i Radhës dhe me përfaqësuesit personalë shërben për parandalimi dhe menaxhimin e konflikteve në rajonin e OSBE-së, sigurimin dhe bashkërenditjen në fusha specifike si barazinë gjinore dhe rininë, e deri te nxitja e tolerancës dhe mosdiskriminimit, por shqiptarët e kuptuan se kjo organizatë mund t’iu shërbej, siç ndodhi në Kosovë, kur raporti i OSBE për Reçakun ishte vendimtar për bombardimin e Serbisë, edhe nëse pjesë e kësaj organizate mund të jetë një Ambasador i keq si Daan Everts
Me kalimin e kohës shqiptarët arritën të shohin shumë everts në radhët e OSBE-së jo vetëm në tokën shqiptare, panë që kjo organizatë raporton se Kryeministri Edi Rama nga pasuria prej 3.000 eurove që kishte nisur mandatin në krye të qeverisë, do ta shtonte vetëm për dy vjet në 200 milionë euro, ashtu siç arritën të shohin se edhe kur nuk ka Daan Everts del një tjetër rrugaç si Bernd Borchadt që fyen gratë shqiptare pse kërkojnë lirimin e bashkëshortëve të tyre që protestojnë po kundër Edi Ramës; Për të kuptuar në fund se, po, kjo është Organizata për Siguri dhe Bashkëpunim Evropian, që do t’u shërbej shqiptarëve sa herë që ndërhyjnë Shtetet e Bashkuara ndryshe produkti i saj do të jetë burokratik dhe tërësisht i pavlefshëm, “Made in EU”!
Kështu ndodhi edhe kur anëtarësimin e Serbisë në OSBE e propozoi Shqipëria dhe vetëm pas pesë vjetësh ishte po kjo Serbi që vendosi veto për anëtarësimin e Kosovës në këtë organizatë.
Kështu ndodhi edhe në këtë fillimjanar kur kryesimin e OSBE e merr njeriu që nuk arsyetoi se ku i mori 199.997.000 euro, nuk çoi para përgjegjësisë kriminelët elektoral të partisë që drejton, nuk e realizoi reformën zgjedhore dhe organizoi zgjedhjet moniste të 30 qershorit që u vlerësuan të papranueshme pikërisht kjo organizatë si dhe Ligjii për Mediat!
Sot shqiptarët janë të tronditur shumë më shumë pasi dëgjuan prioritetet e Edi Ramës me marrjen zyrtare të kryesimit të Organizatës për Siguri dhe Bashkëpunim Evropian në Vjenë se sa kur ajo akuzohej për zgjedhje dhe ligje të papranueshme të Kryeministrit Rama!
Në axhendë e para ishte Ukraina dhe jo Kosova e cila nga viti 2008 pret anëtarësimin në OSBE dhe bllokohet nga Serbia, dhe nga viti 2011 kot tund edhe Marrëveshjen e Brukselit për mospengimin nga shteti serb në organizmat ndërkombëtar kur ajo çdo ditë e më shumë investohet në këtë drejtim. Nëse kësaj i shtojmë faktin se ishte qeveria socialiste shqiptare ajo e cila deklaronte se “nuk aplikojnë politikë bllokuese” dhe lejuan anëtarësimin e Serbisë në OSBE për të penguar anëtarësimin e Kosovës, dhe është sot qeveria socialiste shqiptare ajo që shkelë me dy këmbët Kosovën për Mini Shengen me Serbinë, atëherë është e qartë se për çfarë parandalimi dhe menaxhimi të konflikteve do të angazhohet Edi Rama gjatë Kryesimit të OSBE.
Dhe jo vetëm në Tiranë por edhe në selinë e OSBE në Vjenë ai tregoi se sa shumë i ka nën kontroll mediat shqiptare. Pas shpalosjes së prioriteteve, në konferencën për shtyp Edi Rama u pyet për Iranin nga media e oligarkut që ka në shërbim ndërsa një gazetar spanjoll ishte i shqetësuar për Ligjin për Mediat që ishte miratuar nga Parlamenti i Shqipërisë dhe që cenonte lirinë e shprehjes.
Sot kur Edi Rama e bëri të qartë se udhëtimi i tij i parë pas Kievit do jetë Moska, shqiptarët e kanë të qartë se pse gjithë ky investim për të marrë kryesimin e Organizatës për Siguri dhe Bashkëpunim Evropian që kalon përtej mohimit të mediave të lira dhe zgjedhjeve të lira dhe të ndershme. Shfaqja e Nexhmije Hoxhës në mediat kryesore shqiptare me mesazhe të qartë të rikthimit të pushtetit kriminal vulos dhe jetësimin e ëndrrës komuniste për një shtet të përbashkët me serbët.
Në fund, sot, jo vetëm shqiptarët e kanë të qartë se kur në krye të OSBE vjen një njeri i cili u akuzua për mungesë transparence për pasurinë e tij të 200 milionë eurove ashtu si dhe organizimin e zgjedhjeve të papranueshme njëpartiake të 30 qershorit, misioni i Organizatë për Siguri dhe Bashkëpunim Evropian jo vetëm që është cenuar!
Edi Rama në krye të OSBE është si Hitleri në krye të Kongresit Botëror të Hebrenjve!
