Të shtëna me armë në Tiranë, plagosen rëndë çifti i bashkëshortëve

Një burrë dhe grua janë plagosur nga të shtënat me armë zjarri në zonën e Alliasit në Tiranë. Ngjarja ka ndodhur në rrugën “Njazi Meka” ku, sipas BW, disa grabitës me maska dhe me armë kanë hyrë në vilën e çiftit në Allias duke tentuar grabitjen dhe plagosën Petrit dhe Afërdita Lazen.

Mësohet se dy të plagosurit janë transportuar menjëherë për në spitalin e Traumës ku do të marrin ndihmën mjekësore pasi janë në gjendje të rëndë shëndetësore.

Policia ka rrethuar menjëherë zonën dhe grupi hetimor po kryen veprimet e mëtejshme.