Vuçiç refuzon ofertën e Grenell: Nuk pranoj tërheqjen nga lufta kundër pavarësisë së Kosovës për taksën!
Presidenti i Serbisë, Aleksandar Vuçiç, pas takimit me Përfaqësuesin special të Presidentit të SHBA për dialogun Kosovë-Serbi , Richard Grenell, e falënderoj Ambasadorin Grenell që e mirëkuptoj për nevojat e Serbisë, por e kundërshtoi ofertën e tij që Kosova duhet ta heqë taksën e Serbia të ndaloj fushatën për tërheqjen e njohjeve të shtetit të Kosovës.
Vuçiç tha se i kishte shpalosur Ambasadorit Grenell të gjitha problemet që nga dita kur është vendosur taksa, duke saktësuar se Serbia vetëm brenda një viti ka humbur 435 milionë euro ose 1.039.000 euro në ditë, por tha se nuk e pranon barazvlefshmërinë e taksës, sipas tij, të vendosur në mënyrë të paligjshme, dhe fushatës serbe për tërheqjen e njohjes së pavarësisë së Kosovës.
“Kemi qëndrim shtetëror lidhur me çështjen e pavarësisë së Kosovës, e cila dallon nga qëndrimi i SHBA dhe Prishtinës. Ata duan më shumë njohje, ne nuk duam dhe ne punojmë për këtë çështje,” tha Vuçiç duke shtuar se në rast se do ti barazojmë këto dy çështje, atëherë i bie që Serbia është fajtore për taksën, ndërkohë e mohoi këtë gjë.
Por ky kriminel serb nuk u ndal me kaq edhe pse vërtetë shenjë barazimi nuk mund të ketë kur shqiptarët nuk kanë vrarë 12 mijë serbë.
“Mos harroni, Serbia nuk i ka vendosur taksa Kosovës as në vitin 2008 dhe as në vitin 2009, kur shpallën pavarësinë, e ata vendosën taksën vetëm për ti rritë popullaritetin një njeri,” tha Presidenti i Serbisë duke menduar për Kryeministrin Haradinaj, por duke harruar se Serbia nuk i vendos dot taksë Kosovës kur nuk lejon asnjë lloj malli të shitet në tokën serbe, vetëm për faktin se në paketimet e tyre theksohet “Made in Kosovo”.
Në fund, Presidenti i Serbisë, Aleksandar Vuçiç e vlerësoi Përfaqësuesin special të Presidentit të SHBA për dialogun Kosovë-Serbi, Richard Grenell, për ndershmëri, sepse, sipas Vuçiç, të dërguarit tjerë ndërkombëtar tjetër gjë flasin në Prishtinë dhe tjetër në Beograd.
Richard Grenell ashtu si në Prishtinë tha se qëllimi i vizitës së tij është ekonomia.
“Qeveria nuk krijon pasuri, këtë e bënë sektori privat. Ne jemi këtu për të ndihmuar me theks të veçantë te ekonomia, e politikën ne ja u lëmë juve,” tha Grenell ndërsa marrëveshja për hekurudhën tha se është arritur në parim.
“Të ulemi të bëjmë përpjekje për të arritur Marrëveshje për hekurudhën,” tha Përfaqësuesi special i Presidentit të SHBA për dialogun Kosovë-Serbi pa komentuar histerinë politike të Vuçiçit që e kishte për konsum të brendshëm ndërsa në pyetjen e bërë nga pushteti që iu tha me gojën e gazetarit, se a është e ndershme që Beogradit ti kërkohet të ndaloj fushatën për tërheqjen e njohjeve në shkëmbim të heqjes së taksës, ai ishte i prerë:
“Nuk jamë unë ai që vendosi, unë vetëm bëjë përpjekje që ti drejtoj njerëzit në Kosovë dhe Serbi, nga e ardhmja më e mirë. Që të përcjellë diçka nga energjia që ne kemi në SHBA. Që çështjet politike ti lëmë anash dhe të perqëndrohemi tek ekonomia.”
