Video/ Wuhan, kinezët do të ndërtojnë spitalin për 6 ditë

Kinezët do të ndërtojnë në qytetin Wuhan një spital të ri për vetëm 6 ditë! BBC e cila raporton lajmin shtron dhe pyetjen nëse kjo është e mundshme.

Mediat lokale raportojnë se spitali me 25 mijë katror që po ndërtohet, do të pranoj rreth 1.000 pacientë. Deri më tani janë konfirmuar 1.400 të sëmurë dhe 41 të vdekur nga koronavirusi. Pacienti më i ri është një vajzë 2 vjeçe ndërsa personi më i ri i cili ka vdekur është një mashkull 36 vjeç.

Spitali i cili po ndërtohet do të jetë i ngjashëm me atë i cili është ndërtuar në vitin 2003 në Pekin kur kinezët po luftonin me virusin SARS. Spitali ishte ndërtuar për 7 ditë ndërsa në ndërtimin e tij kishin marrë pjesë 4.000 njerëz që kanë punuar ditë e natë. Në atë kohë ishte konsideruar si çudia e historisë mjekësore, dhe kishte laborator rentgeni, laborator CT-je, laboratorë përcjellës si dhe reanimacionin. Çdo dhomë kishte dhe banjon e veçantë.

Një zyrtar i qeverisë kineze ka saktësuar se për ndërtimin e spitalit të Wuhanit për 6 ditë, do të angazhohen inxhinier nga i gjithë vendi.

“Kina është e mirë në këtë lloj ndërtimi. Inxhinierët tanë i ndërtojnë shumëkatshet shpejtë. Kjo është e paimagjinueshme për botën perëndimore. Por ne mund ta bëjmë,” tha zyrtari kinez.

Sa i përket pajisjeve mjekësore për spital, spitali i ri do të paiset nga spitalet tjera lokale si dhe do të porositen pajisje të reja nga fabrikat.