Akti normativ “Anti-KÇK”, Ambasada SHBA: Do ta ndjekim zbatimin e këtij ligji me interes të madh!

Pas miratimit të Aktit normativ “Anti-KÇK” i cili shkaktoi reagime të shumta si për kushtetueshmërisë ashtu dhe keqpërorimit nga ana e Kryeministrit Edi Rama ka reaguar Ambasada e SHBA në Tiranë duke e bërë të qartë se do të vazhdon ta ndjek zbatimin e këtij ligji me interes te madh.

“Ndërsa vazhdon zbatimi i reformave të rëndësishme të drejtësisë, Shtetet e Bashkuara mirëpresin përpjekjet e intensifikuara nga Qeveria e Shqipërisë për të parandaluar krimin e organizuar që të përdorë pasurinë e paligjshme për të minuar themelet e shtetit ligjor,” thekson Ambasada amerikanë në Tiranë përmes një reagimi në rrjetin social Facebook duke shtuar se mekanizmat e përforcuar për zbatimin e ligjit duhet edhe të mbështesin institucionet e reja të drejtësisë të ngarkuara me ndjekjen penale të krimit të organizuar, edhe të harmonizohen me standardet e procesit të drejtë ligjor ndërsa përfundon:

“Ne do të vazhdojmë ta ndjekim zbatimin e këtij ligji me interes të madh!”