KQZ ndan paratë, ja sa përfitojnë PS, PD, LSI…

Sot Komisioni Qendror i Zgjedhjeve, KQZ, miratoi projektvendimin, “Për shpërndarjen e fondeve vjetore, partive politike në formën e ndihmës financiare vjetore për vitin 2020″.

Fondi, që KQZ ka vendosur për t’u shpërndarë në dispozicion të partive është 140 milionë lekë.

Kjo shumë ndahet si më poshtë 

1. Partia Socialiste e Shqipërisë 63.417.047 lekë
2. Partia Demokratike 38.911.877 lekë
3. Lëvizja Socialiste për Integrim 20.012.797 lekë
4. Partia Drejtësi, Integrim dhe Unitet 7.447.477 lekë
5. Lista e Barabartë 4.841.667 lekë
6. Partia Socialdemokrate 5.369.137 lekë

Sipas këtij relacioni, 70 për qind e fondit bëhet sipas numrit të deputetëve të fituar në zgjedhjet e fundit parlamentare, 20 për qind në mënyrë të barabartë ndërmjet partive politike që kanë përfituar mbi 10 mijë vota në zgjedhjet e fundit parlamentare dhe 10 për qind sipas përqindjes së fituar ndërmjet partive politike që kanë marrë pjesë në zgjedhjet e fundit parlamentare dhe kanë fituar 1 për qind të votave në shkallë vendi.