Çelja e negociatave/ Macron dha sinjalin, Rama: Durim, mos e ushqejmë veten me iluzione të skajshme!

Kryeministri Edi Rama tha nga Muncheni se deklarata e Macron sot për çeljen e negociatave është diçka pozitive por shqiptarët duhet të kenë durim dhe mos ushqejnë veten me iluzione të skajshme.

”Në fakt unë nuk e ndoqa dot Presidentin se isha në takime të tjera por nga sa munda të lexoj është një sinjal pozitiv. Unë dëshiroj t’ju them se nuk kemi pse ushqejmë veten me iluzione dhe dëshira të skajshme edhe pse shumë legjitime. Le të presim me durim dhe të punojmë me këmbëngulje ashtu sicc do të punonim po të ishin hapur negociatat,” tha Edi Rama.

Ndryshe, sot presidenti Macron ka sinjalizuar se Franca do të heqë dorë nga bllokimi i çeljes së negociatave me Shqipërinë dhe Maqedoninë e Veriut. Nëse Bashkimi Europian ka ndryshuar rregullat e anëtarësimit, atëherë mund të flasim për këtë në samitin e BE në Bruksel, tha Macron në fjalimin e tij në Konferencën e Sigurisë në Munchen.