Ambasadori Kosnett: Përfitimet ekonomike vijnë duke eliminuar tarifat!
Ambasadori i SHBA në Kosovë, Philip Kosnett, sot gjatë takimeve me liderët e institucioneve kosovare tha se përfitimet ekonomike vijnë duke eleminuar menjëherë tarifat.
“Në të gjitha këto takime, si në takimet e tij të rregullta me kryeministrin Kurti, ambasadori Kosnett flet për rëndësinë e marrëdhënieve së SHBA me Kosovën, me fokus në avancimin e synimeve tona të ndërsjella për të siguruar paqen, drejtësinë dhe prosperitetin, si dhe përfitimet ekonomike që vijnë duke eleminuar menjëherë tarifat,” thekson Ambasada e SHBA në Prishtinë përmes një njoftimi në rrjetin social Facebook, duke shtuar:
“Kosnett do të takohet edhe me ministrat tjerë. Ai po vazhdon takimet e rregullta edhe me partitë opozitare!”
Ndryshe, Ambasadori i SHBA në Kosovë, Philip Kosnett, sot u takua me kryeministrin Albin Kurti, kryeparlamentaren Vjosa Osmani, Zv/kryeministrat Hoti dhe Abazi, Ministrin e Punëve të Jashtme, Glauk Konjufca dhe Ministrin e Punëve të Brendshme, Agim Veliu.
