Edhe 5 raste, shkon në 31 numri i të prekurve me koronavirus në Maqedoninë e Veriut

Ministri i Shëndetësisë, Venko Filipçe, konfirmoi edhe 5 raste duke e çuar në 31 numrin e të prekurve me koronavirus në Maqedoninë e Veriut. Rastet e reja janë, 4 punonjës shëndetësorë të spitalit të Dibrës dhe bashkëshortja e njërit prej të prekurve që  u konfirmua dje pozitiv në Klinikën Zhan Mitrev.

“Sot kemi 5 raste të reja me koronavirus. Bëhet fjalë për 4 punonjës shëndetësor, 2 mjekë dhe 2 infermiere, ndërsa personi i pestë është bashkëshortja e njërit prej të prekurve që  u konfirmua dje pozitiv në Klinikën Zhan Mitrev.”

Meqë në Spitalin e Dibrës janë infektuar edhe 2 mjekë të tjerë dhe 2 infermiere, Filipçe tha se Ministria e Shëndetësisë ka vendosur të çojë dy mjekë shtesë, pulmologë, nga Klinika e Pulomologjisë së Shkupit.

“Nesër në spitalin e Dibrës do të dërgojmë 2 mjekë plus, mjekë pulmologë nga Klinika e Pulologjisë Shkup, për shkak të mjekëve të infektuar. Jemi të vetëdijshëm se mjekët dhe punonjësit mjekësor janë në kushte të vështira dhe më të ekspozuar por nuk kemi asnjë zgjidhje tjetër, të gjithë punonjësit shëndetësorë duhet të paraqiten në punë,” tha Ministri i Shëndetësisë, Venko Filipçe, duke i bërë thirrje edhe një herë qytetarëve të qëndrojnë në shtëpi dhe të mos dalin pa nevojë./Alsat/