Berisha: Rama i hoqi ndihmën ekonomike 20 mijë familjeve, flet për bamirësi

Ish-kryeministri Sali Berisha, e ka cilësuar qesharake dhe tallëse praninë e kryeministrit Edi Rama në ‘Opinion’, ku flitet për bamirësinë.

Me anë të një statusi në Facebook, Berisha shkruan se nuk ju beson syve, që njeriu i cili u hoqi ndihmën ekonomike 20 mijë shqiptarëve, dot del e flet për bamirësi.

Reagimi i Sali Berisha

Duke ndjekur Opinion!

Miq, sonte nuk ju besova syve me çfarë pashë në Opinion!

Në emisionin kushtuar humanizmit, bamirësisë dhe në mënyrë konkrete një familje prej gjashtë jetimesh, në studio si halleqarës ishte ulur edhe njeriu që dy muaj më parë u preu kafshatën 20 mije familjeve shqiptare! Prania e tij në studio më kujtoi një tregim të Çehovit, ku dy gjahtarë në një pyll vranë një njeri dhe pasi e kontrolluan në xhepa i gjeten një pako me cironka. Kur njeri desh ti hante ato, mos i prek, – i tha tjetri, – se jemi në kreshmë.

Edhe piktori dështak, pasi u hoqi ndihmën 20 mijë shqiptarëve, tani shkon të shesë bamirësi, fjalë që e dëgjon për herë të parë sonte në Opinion! sb