Thaçi dhe Vuçiç kanë gënjyer, Grenell: Kurrë, kurrë…
I Dërguari i Presidentit të SHBA në bisedimet Kosovë-Serbi, Richard Grenell ka siguruar se asnjëherë nuk ka folur me Thaçin e Vuçiç rreth shkëmbimit të territoreve si një zgjidhje ndërmjet Kosovës e Serbisë edhe pse me muaj të tërë si Presidenti i Kosovës ashtu dhe ai i Serbisë kanë treguar filma mbi ofertat amerikane dhe shansin e humbur, dhe deri më sot nuk ka reaguar njeri.
“Kurrë. Kurrë nuk është ngritur si çështje në praninë time dhe siç thashë, kjo nuk është diçka që e kam parë ose që është folur për të dhe meqë ra fjala, më lejoni të jem shumë i qartë. E kam thënë këtë më parë. E kemi thënë këtë në Tëitter, kemi lëshuar deklarata për medie, kur ato kanë kërkuar. Kjo nuk është hera e parë që kemi qenë të qartë se këto thashetheme janë thjesht kaq, janë thashetheme,” tha Grenell për media kosovare ndërkohë shkëmbimin e territoreve nuk e sheh si zgjidhje:
“Unë personalisht jo. Unë nuk e shoh këtë si opsion,” tha Ambasadori Grenell ndërsa për marrëdhëniet SHBA-Kosovë shtoi:
“Jemi të përkushtuar ndaj popullit të Kosovës, por kur kemi politika, Shtetet e Bashkuara, qeveria amerikane, populli amerikan, fillon të ketë rregulla për ndihmat tona. Ne nuk duam të jemi në aso pozicioni që ndihmat tona të jenë të garantuara, pavarësisht çfarë ndodh në anën tjetër.”
Në fund, Richard Grenell, sqaroi dhe raportet me Kryeministrin e shkkarkuar Albin Kurti ai i cili i fundit foli për ekzistimin e një Marrëveshje dhe u akuzua i pari ndonëse nuk e detajoi përmbajtjen si Thaçi e Vuçiç me lagje, duke u shprehur edhe nga foltorja e parlamentit se nuk ishte në dijeni për përmbajtjen, kjo është dhe arsyeja që është sekrete.
“Ai më shikoi në sy dhe tha se ata do ta largojnë taksën,” tha Grenellduke shtuar se është qëndrim i Shtetet e Bashkuara se taksa prej 100 për qind që është zbatuar para z.Kurti ka qenë duke i dëmtuar ekonominë dhe popullin e Kosovës më së shumti.
“Prandaj, për ne nuk ka kuptim që të ketë politika që janë duke e dëmtuar ekonominë, që nuk i lejojnë bizneset të lëvizin përpara dhe të krijojnë vende pune. Kjo i prek të rinjtë që duan vende pune dhe kur politikat e dëmtojnë vetë ekonominë, nuk duhet të pritet nga ne, Shtetet e Bashkuara, që të vazhdojmë t’i përkrahim politikat që janë duke i dëmtuar njerëzit dhe aktivitetin e krijimit të vendeve të punës,” tha Ambasadori Grenell duke shtuar se ekonomia amerikane, nën udhëheqjen e Presidentit Trump ka qenë e mahnitshme dhe se pikërisht për Kosovën e Serbinë, Presidenti Trump i kishte kërkuar atij që të ndihmojë për të krijuar hapa nxitës ekonomikë dhe një atmosferë probiznesore në mënyrë që të rinjtë të gjejnë vende pune.
Ndryshe, reagimi i të Dërguarit të Presidentit të SHBA në bisedimet Kosovë-Serbi, Richard Grenell, vjen pa deklaratës së Kryeministrit të shkarkuar të Kosovës, Albin Kurti për ekzistimin e një Marrëveshje për shkëmbimin e territoreve edhe pse kjo deklaratë vjen pas atyre të protagonistëve të kësaj Marrëveshje, Hashim Thaçi dhe Aleksandar Vuçiç, madje ky i fundit ka folur edhe në detaje pas vizitës së fundit në Departament të Shtetit, ku tha se Serbia ka humbur një shancë tani është vonë. Kujtoi kur i kishin shkuar djersë kur pa Marrëveshjen që ishte e volitshme për zgjidhjen e Liqenit të Gazivodës (Ujmanit), Trepçës, trashëgimisë kulturore serbe dhe fetare, por firma mbi këtë Marrëveshje në Serbi do të quhej tradhti. Pas gjithë këtyre detajeve nuk reagoi njeri ndonëse vinte pas shumë përrallave të Thaçi dhe publikimit të disa varianteve nga spiunët e Sorosit nën moton e Shoqërisë së Hapur.
