“Rama: Jam arrestuar në Bolonja’’, Bylykbashi: Nuk e ka deklaruar në formularin e dekriminalizimit, humbet postin e kryeministrit!
Pas deklaratës së Kryeministrit Rama se ai është arrestuar vite më parë në Bolonja të Italisë pasi kishte kundërshtuar një punonjës policie, ka reaguar Ish-Deputeti i Partisë Demokratike, Oerd Bylykbashi, duke theksuar se këtë fakt Rama nuk e ka pasqyruar në formularin e dekriminalizimit.
“Ka një problem të madh me këtë deklarim: është arrestuar nga policia. Kryeministri nuk e ka deklaruar këtë arrestim në formularin e Dekriminalizimit! Në rast mosdeklarimi ligji dikton se ai humbet të gjitha funksionet publike. Edhe si deputet edhe si kryeministër! Ligji i Dekriminalizimit i kaluar me shumicë të cilësuar nuk pezullohet me akt normativ as në kohë lufte apo pandemie,” thekson Oerd Bylykabashi në reagimin e tij përmes rrjetit social Facebook dhe sa për t’ia kulluar mendimet Kryeministrit, shton se dy deputetë janë larguar nga parlamenti për kaq gjë. Thjesht sepse nuk deklaruan arrestin.
Në fund, Ish-Deputeti i PD, Oerd Bylykbashi vlerëson se Edi Rama duhet të sqarojë urgjentisht nëse ka gënjyer për propagandë se është arrestuar në Bolonja pasi kundërshtoi një punonjës policie, në të kundërt institucionet duhet të nisin menjëherë procedurën e parashikuar nga Ligji i Dekriminalizimit për mosdeklarim në formularin e Dekriminalizimit të arrestimit nga policia.
Ndryshe, Kryeministri Edi Rama deklaroi për një televizion italian se ka qenë arrestuar në Bolonja pasi pa se një polic po tentonte të abuzonte me një grua, Rama kishte ndërhyrë por përfundoi nën arrest.
Ja statusi i plotë
Ne mes te hallit qe ka zene te gjithe, kur njerezit jane mbyllur ne shtepi dhe shpesh nuk kane mundesi te sigurojne buken e femijeve, apo biznesi u eshte mbyllur, Rama deklaroi ne median italiane se vite me pare eshte arrestuar ne Bolonja sepse kishte kundershtuar nje punonjes policie.
Ka nje problem te madh me kete deklarim: eshte arrestuar nga policia. Kryeministri NUK e ka deklaruar kete arrestim ne formularin e Dekriminalizimit! Ne rast mosdeklarimi ligji dikton se ai humbet te gjitha funksionet publike. Edhe si deputet edhe si kryeminister! Ligji i Dekriminalizimit i kaluar me shumice te cilesuar nuk pezullohet me akt normativ as ne kohe lufte apo pandemie.
Sa per t’ia kulluar mendimet Kryeministrit, dy deputete jane larguar nga parlamenti per kaq gje. Thjesht sepse nuk deklaruan arrestin.
Edi Rama duhet te sqaroje urgjentisht nese ka genjyer per propagande se eshte arrestuar ne Bolonja pasi kundershtoi nje punonjes policie, ne te kundert institucionet duhet te nisin menjehere proceduren e parashikuar nga Ligji i Dekriminalizimit per mosdeklarim ne formularin e Dekriminalizimit te arrestimit nga policia.
