Në botë, mbi 80 mijë të prekur e humbën betejën me koronavirus, vetëm në Francë 1.417

Gjatë 24 orëve të fundit 81.248 të prekur me koronavirus në botë, e humbën betejën me koronavirus ndërsa aktualisht janë mbi 1.4 milionë të infektuar dhe mbi 300.000 të shëruar.

Me numrin më të madh të infektuarve kryeson SHBA, 388.757, e pasuar nga Spanja 140.511, Franca 109.069 dhe Gjermania me 107.458 derisa Kina ka 81.740 të prekur me koronavirus.

Kur është fjala për numrin e të vdekurve, Italia është e para me 17.127 njerëz, e pasuar nga Spanja me 13.897, SHBA12.400 dhe Franca me 10.328 të vdekur.

24 orët e fundit në Itali

Mbrojtja Civile duke përditësuar të dhënat raporton se brenda 24 orëve të fundit kanë ndërruar jetë 604 njerëz duke e çuar në 17.127 numrin e të vdekurve nga koronavirusi në Itali.

Raste të reja janë 3.039 duke e e çuar në 135.586 numrin e të prekurve me koronavirus. Janë shëruar 24.392 ndërsa raste aktive janë 94.067.

Dita më e zezë për Francën, Sllovenia paralajmëron… 

Sot ishte dita më e zezë për Francën. Sipas Le Monde, gjatë 24 orëve të fundit kanë ndërruar jetë 597 të prekur me koronavirus, ndërsa në azile të pleqve kanë ndërruar jetë edhe 820 njerëz duke e çuar numrin e të vdekurve në 1.417. Mediat raportojnë se numri i të vdekurve nga koronavirusi në Francë sot ka shkuar 10.328 njerëz dhe 11.000 raste të reja.

Ndërkohë në Spanjë gjatë 24 orëve të fundit kanë ndërruar jetë 743 të prekur me koronavirus ndërsa ekspertët thonë se kemi të bëjmë me një trend në rënie. 

“Arsye e rritjes së sotme është se kanë ardhur të dhëna nga fundjava që kanë vonuar, por ende është në rënie,” tha shefja e Shërbimit Shëndetësor, María José Sierra gjatë përditësimit të dhënave.

Janë 5.478 raste të reja duke e çuar numrin e të prekurve me koronavirus në  140.510.

Edhe Britania e Madhe kishte ditë të rëndë si për numrin e të vdekurve ashtu dhe atyre të prekur me koronavirus. 786 të prekur kanë ndërruar jetë duke e çuar mbi 6000 numrin e të vdekurve nga koronavirusi. Raste të reja janë 3.634 duke e çuar numrin në 55.242 të prekur me koronavirus në Britaninë e Madhe.

Gjendja e Kryeministrit Johnson raportohet më e mirë se mbrëmë pas terapisë me oksigjen!

Në SHBA janë edhe 24.471 raste të reja duke e çuar në  391.475 të prekur me koronavirus. Gjatë 24 orëve të fundit kanë vdekur 1.681 të prekur duke e çuar numrin në  12.522 të vdekur nga koronavirusi.

Në rajon situata nuk po stabilizohet dot. Në Slloveni janë edhe 38 raste të reja duke e çuar në 1.059 numrin e të prekurve me koronavirus. Të shtruar në spital janë edhe 6 kështu që aktualisht kemi 114 të shtruar nga koronavirusi në Spitalet Infektive ndërsa numri i të vdekurve vazhdon të jetë 30.

Qeveria, përkundër kësaj situate  ka paralajmëruar zbutjen e masave dhe normalizimin e jetës në Slloveni.

Në Bosnje është konfirmuar viktima e 30-të nga koronavirusi ndërsa numri i të prekurve ka shkuar mbi 700.

Në Serbi gjatë 24 orëve të fundit janë zbuluar edhe 247 raste të reja duke e çuar në 2.447 numrin e të prekurve me koronavirus. Gjatë 24 orëve të fundit kanë vdekur edhe tre të prekur duke e çuar në 58 numrin e të vdekurve nga koronavirusi.

Gjatë 24 orëve në Mal të Zi janë testuar 79 të dyshuar 2 prej të cilëve kanë rezultuar pozitiv në COVID-19 duke e çuar në 241numrin e të prekurve me koronavirus.