“Shumë e rëndësishme”, mesazhi Ramës: Kështu, do dalim më shpejt fitimtarë ndaj COVID-19

Kryeministri Edi Rama sot dëshmoi se din të flas edhe si njeri normal, pa varreza dhe arkivole dhe me një mesazh të qartë përqytetarët. Po vazhduam me këtë ritëm, tha Rama, do dalim më shpejt fitimtarë në luftën ndaj koronavirusit, si dhe me kokën lart.

“Shumë e rëndësishme: Falë masave të shpejta e të forta dhe rezistencës suaj të shkëlqyer, 10 ditë ditët e fundit kemi rënie graduale të shtrimeve në mjediset spitalore COVID,” thekson Edi Rama në mesazhin e tij përmes rrjetit social Facebook ndërsa publikon të dhënat tha se duhet të vazhdojmë kështu me durim sepse armikun e kemi pas çdo porte, e treta po vazhduam kështu, do dalim më shpejt fitimtarë se shumë të tjerë dhe me kokën lart përpara brezave që vijnë nga kjo sfidë historike.

Ja statusi i plotë:

? SHUMË E RËNDËSISHME: FALË MASAVE TË SHPEJTA E TË FORTA DHE REZISTENCËS SUAJ TË SHKËLQYER, 10 DITËT E FUNDIT KEMI RËNIE GRADUALE TË SHTRIMEVE NË MJEDISET SPITALORE COVID?

*Ky tregues që e has shumë pak, për të mos thënë fare në vendet e tjera nën agresion, ku mbingarkesa e spitaleve po vjen si haraç për vonesat në marrjen e masave, na thotë qartë se e para, po bëjmë gjënë e duhur; e dyta, duhet të vazhdojmë kështu, me durim të madh, sepse armikun e kemi pas çdo porte; e treta; po vazhduam kështu do të dalim më shpejt fitimtarë se shumë të tjerë, më të mirë, më të fortë dhe me kokën lart përpara brezave që vijnë nga kjo sfidë historike?