Rritet numri i rasteve me koronavirus në Holandë

Në Holandë, numri i rasteve me koronavirus ka arritur në 37.845. Vetëm në 24-orët e fundit, në këtë shtet janë regjistruar 655 raste të reja me COVID-19.

Sipas Institutit të Shëndetit Publik, në Holandë 4.475 persona kanë vdekur si pasojë e koronavirusit, raporton RFE, duke shtuar se numri i rasteve me koronavirus mund të jetë më i lartë, por tani për tani, vetëm këto raste janë konfirmuar.

Sipas të dhënave të Universitetit Johns Hopkins numri i personave të infektuar në mbarë botën me COVID-19 është mbi 2.9 milionë, ndërkaq, mbi 203 mijë persona kanë vdekur.