E FRIKSHME/ Studimi më i madh për koronavirusin në Evropë: Po vdesin 1/3 e të infektuarve që përfundojnë në spital!

Konkluzioni i shkencëtarëve britanik, pas një Studimi të madh, është se njerëzit që përfundojnë në spital për shkak të koronavirusit kanë shanse të barabarta për të vdekur si ata që infektohen me ebola.

Fjala është për Studimin më të madh që është kryer deri më sot në Evropë, ku janë përfshirë 16.749 pacientë të shtruar nëpër spitalet e Britanisë së Madhe, dhe i cili ka dëshmuar se 1/3 e të infektuarve që përfundojnë në spitale për shkak të COVID-19, vdesin. Sëmundja ka simptoma mesatarisht të rënda dhe mund të trajtohet në shtëpi, por shkencëtarët thonë se njerëzit duhet të kuptojnë më në fund se sa i rrezikshëm mund të jetë në fakt ky infeksion.

Rrezikun më të madh nga vdekja e kanë personat obezë, të moshuarit dhe meshkujt, konfirmojnë rezultatet e të dhënave nga 166 spitale britanike, raporton BBC. Janë analizuar edhe detajet mjekësore të rreth 17.000 pacientëve të shtruar nëpër spitalet e Anglisë, Walesit dhe Skocisë, ku dhe është zbuluar se 49 për qind e njerëzve të prekur e kanë mbijetuar COVID-19 dhe janë lëshuar në shtëpi, 33 për qind kanë vdekur dhe 17 vazhdojnë të kurohen.   

“Disa njerëz insistojnë me bindjen e tyre se COVID nuk është më i rrezikshëm se sa një grip më i fortë, dhe gabojnë,” tha shefi i këtij studimi dhe profesor në Universitetin e Liverpoolit, Calum Semple, duke shtuar:

“Norma e vdekshmërisë tek njerëzit që janë pranuar në spital me simptoma të rënda të COVID-19 është 35-40 për qind, që është e ngjashme me rezultatet e atyre njerëzve që janë pranuar në spital me ebola. Këtë fakt njerëzit duhet ta dëgjojnë dhe të lejojnë që t’iu futet  në kokë. Kemi punë me një sëmundje jashtëzakonisht të rrezikshme.”  

Megjithatë, profesor Calum Semple konsideron norma e plotë e vdekshmërisë nga COVID-19 është  më pak se 1% sepse shumë njerëz kanë simptoma të lehta të sëmundjes.

Norma e lartë e vdekshmërisë, jashtë terapisë intensive

Ky studim gjithashtu ka treguar se 31 për qind e pacientëve të shtruar në repartet e mjekësisë së përgjithshme kanë vdekur, dhe 45 për qind të atyre të shtruar në repartet e terapisë intensive. Terapia intensive nënkupton trajtimin e pacientëve me ventilator ose pajisje tjera mjekësore që mbështesin punën e organeve tjera.

Mirëpo, ekipi i ekspertëve të këtij studimi thekson se norma e lartë e vdekshmërisë në repartet e mjekësisë së përgjithshme nuk ka ndodhur për shkak  të mungesës së shtretërve në terapinë intensive. Në vend të kësaj, theksojnë që vendimi i drejtë do të ishte që pacientët të mos shërohen me trajtim invaziv në repartin e terapisë intensive, siç është vendosja nën ventilator.  

Këshilltarja e nderit në repartin e terapisë intensive në Universitetin e Edinburgut, Dr. Annemarie Docherty, thotë se nëse ekziston një shans sado i vogël për shërim, atëherë këtyre njerëzve nuk u bëhet kurrfarë nderi nëse i çojmë në repartin e terapisë intensive.

“Mendoj se ky është një debat i duhur dhe shumë i pjekur të cilin po e zhvillojnë nëpër spitalet e Britanisë së Madhe.”

Obezët dhe të moshuarit, më të rrezikuarit nga vdekja

Studimi ka konfirmuar një gjë që është parë edhe në vendet tjera që janë prekur me koronavirus, se COVID-19 është shumë më vdekjeprurës tek popullsia e moshuar.

Gjithashtu ka treguar edhe ndarjen në mes të mashkullit dhe femrës së moshuar. Prof. Semple thotë se në çdo grupmoshë meshkujt janë më të goditur nga COVID-19, dhe kjo është më e theksuar sa më shumë që rriten vitet e grupmoshave.

Sqarimi për obezët nuk është i thjeshtë. Mbipesha zakonisht vjen me probleme  të tjera shëndetësore që njerëzit i nënshtrohen rrezikut, e indi dhjamor është ai që rritë pezmatimin në trup, që është dhe i ndërlidhur me sëmundje serioze.

Rreziku i përkatësisë etnike, i komplikuar për sqarim

Norma e madhe e vdekshmërisë është shënuar edhe tek grupimet e vogla etnike. Në Angli, 3.5 për qind e popullsisë janë me ngjyrë, por 6 për qind janë të ndërlidhur me vdekjen nga koronavirusi.

Pjesërisht është kjo situatë sepse epidemia është më e rëndë në rajonet ku

përzierja etnike është më e theksuar, siç janë në Londër. Ekipi i ekspertëve ende nuk ka publikuar të dhënat për normat e vdekshmërisë sipas përkatësisë etnike, por thonë se dëshmitë të çojnë në sqarim shoqëror dhe jo gjenetik.  

Në vend se të shikojnë të gjitha të dhënat, ata në detaje shikojnë mënyrat se në çfarë mënyre do të përjashtojnë ndikimin  e faktorëve të tjerë siç janë sëmundjet e tjera, obeziteti dhe mosha. 

“Kur krahasojmë të gjithë përveç faktorit etnik, ndryshimet në rezultate zhduken dhe kjo sugjeron se përkatësia etnike nuk është ajo që shkakton  rezultat të keq. Njerëzit me ngjyrë dhe ata nga pakicat e tjera etnike kanë rezultate të këqija pas infektimit me koronavirus, por kjo është për shkak të situatës shoqërore në të cilën ndodhen, dhe jo përkatësisë etnike,” konstaton profesori në Universitetin e Liverpoolit, Calum Semple.