FOTO/ Kush është ish-zyrtari i policisë, banesa e të cilit u sulmua me granata…

Një ish-zyrtari të policisë së shtetit iu hodhën në orët e para të mëngjesit të sotëm granata në oborrin e banesës, duke shkaktuar panik dhe disa dëme të vogla.

Shyqyri Çela, ka mbajtur detyrën e  ish shefit të komisariatit në Shkodër. Njëra ka shpërthyer në oborr ndërsa tjetra nuk ka shpërthyer.

Sikundër raportohet, Shyqyri Çela përpara se të futej në policinë e shtetit në vitin 1996 ka qenë deputet në Parlamentin e Shqipërisë me partinë Aleanca Demokratike.

Mediat raportojnë se në vitin 1997 vëllai i tij ka patur një konflikt duke shkëmbyer të shtëna me disa persona të tjerë tek teatri “Migjeni”.

Pas asaj ngjarje Shyqyri Çela u largua drejt Amerikës. Kishte një muaj që kishte ardhur dhe pas ardhjes ndodhi vendosja e grantave në oborrin e banesës në lagjen Rus.

Nga sa mësohet ka vetëm dëme materiale teksa janë dëmtuar xhamat e banesës. Ndërkohë policia vijon hetimet.