Në Londër protestohet kundër izolimit

Një grup protestuesish janë mbledhur në Londër në disa përqafime grupore, me qëllim të kundërshtimit të masave të izolimit në Mbretërinë e Bashkuar.

Me mbishkrimet “Trupi im, zgjedhja ime”, sot pasdite qytetarët kanë marrë pjesë në protestën para selisë së Policisë në Londër.

Nga fundi i muajit mars, raporton RFE, britanikëve u është thënë që të mos mblidhen jashtë shtëpive të tyre, me qëllim të luftimit të koronavirusit.

Jeta në Mbetërinë e Bashkuar ka ndryshuar nga ajo kohë, ndonëse ka shenja për lehtësim të masave të izolimit.

Të dhënat e fundit tregojnë se deri më tani autoritetet britanike kanë regjistruar 182.260 persona të prekur dhe 28.131 të vdekur si pasojë e sëmundjes COVID-19, që shkakton koronavirusi.