Kryeministri Albin Kurti del nga izolimi
Kryeministri në detyrë i Kosovës, Albin Kurti, ka dalë nga izolimi pasi Zyrtari i Ministrisë së Integrimeve të Kosovës, për të cilin dyshohej se ishte i infektuar me COVID-19, ka rezultuar negativ.
“Konfirmoj që rasti për të cilin është diskutuar sot gjatë ditës, përkatësisht për zyrtarin e Ministrisë së Integrimeve Evropiane, tashmë kanë dalë rezultatet e testit të tij dhe ato kanë dalë negative. Zyrtari i MIE nuk është identifikuar me COVID-19,” tha zëdhënësi i Qeverisë së Kosovës, Përparim Kryeziu duke saktësuar se duke filluar nga nesër do të rifillojnë punën si zakonisht.
“Që nesër ne do të rifillojmë me punën tonë sikurse kemi bërë edhe gjatë ditëve të kaluara , gjithmonë duke pasur kujdes të shtuar në mënyrën se si ndërveprojmë me njëri-tjetrin.”
Ndryshe, sot u vetizoluan kabineti i qeverisë bashkë me kryeministrin në detyrë, Albin Kurtin, dhe ai i Ministrisë së Integrimeve Evropiane pasi dyshohej se Zyrtari i Ministrisë së Integrimeve të Kosovës ishte i infektuar me COVID-19.
