EKSKLUZIVE/ Raporti i ri sekret i CIA: Kina kërcënoi OBSH-në! Nëse alarmon botën për koronavirusin…

Agjencia sekrete amerikane, CIA, është e bindur se Kina që në muajin janar ka bërë përpjekje të ndaloj Organizatën Botërore të Shëndetësisë, OBSH, për të alarmuar botën rreth koronavirusit të ri. Shkaku qëndron në faktin se Kina dëshironte të furnizoj me pajisje mbrojtëse pjesën tjetër të botës.

Raportin sekret të CIA-s e sjell portali amerikan Newsweek i cili për burimet e tij thekson se bëhet fjalë për dy zyrtarë të lartë të këtij shërbimi sekret.

Në dokument theksohet se Kina ka kërcënuar OBSH-në se do të ndërpres  bashkëpunimin me këtë organizatë nëse e shpallin krizën botërore të shëndetësisë.

Raporti i dytë ku akuzohet Kina

Ky është raporti i dytë i cili do të thellojë edhe më shumë ndarjen ndonëse  marrëdhëniet në mes të Kinës dhe SHBA janë të acaruara rreth pandemisë, e cila ka vrarë më shumë se 280.000 njerëz. Prej tyre, një e katërta nga SHBA.

Raporti i parë u publikua javën e kaluar nga gjermanët në gazetën “Der Spiegel”, dhe është produkt i shërbimeve sekrete gjermane. Në këtë raport akuzohet presidenti kinez Xi Jinping se nga fundi i muajit janar personalisht ka ushtruar presion ndaj Drejtorit të Përgjithshëm të OBSH, Tedros Adhanom Ghebreyesus.

OBSH i ka përgënjeshtruar të gjitha akuzat dhe të gjeturat e raportit. Mirëpo, në pyetjen konkrete nëse dikush nga zyrtarët e lartë kinez ka ndërmarrë diçka për të ndaluar krizën botërore të shëndetësisë, OBSH deri më tani nuk e ka dhënë një përgjigje konkrete.

“Nuk komentojmë bisedat specifike me anëtarët e shteteve, por mund të themi se gjatë gjithë periudhës së pandemisë, OBSH ka reaguar në përputhje me mandatin e saj si organizatë teknike, e bazuar në të dhëna që janë përqendruar në mbrojtjen e të gjithë njerëzve, kudo në botë,” tha Christian Lindmeier, thekson Newsweek. 

OBSH u la nga akuzat

“OBSH i bazon rekomandimet e saj në shkencë, praktikën më të mirë të shëndetit publik, dëshmitë, të dhënat dhe këshillat e ekspertëve të pavarur. OBSH ishte fokusuar në shëndetin e të gjithë njerëzve në botë,” tha Lindmeier duke shtuar se Tedros dhe presidenti kinez Xi nuk janë takuar më 20, 21 dhe as 22 janar.

“Mbledhja është mbajtur më 28 janar, por në atë kohë çështja e shpalljes së krizës botërore të shëndetësisë nuk është parashtruar.”

Zyrtarët e shërbimit sekret amerikan që kanë biseduar me Newsweek theksojnë se nuk e dinë nëse presidenti Xi ka luajtur rol kyç në ushtrimin e presionit mbi OBSH.

OBSH më 30 janar ka shpallur gjendjen e rrezikut global duke u munduar pandërprerë të sqaroj se Kina nuk ka bërë asgjë të keqe në pandemi.

“Kjo deklaratë nuk është shenjë mosbesimi në Kinën. Pikërisht e kundërta, OBSH mbështetet në të gjitha kapacitetet kineze për tu përballur me këtë krizë,” tha Tedros.

Porositën 2.5 miliardë pajisje mbrojtëse dhe i shpërndanë nëpër botë

Gazeta amerikane thekson se pikërisht kjo ka shkakutar reagime të ashpra nga presidenti amerikan Donald Trump, i cili OBSH-në e shpalli “kinacentrike” dhe mori vendim për ndërprerjen e financimit të Organizatës Botërore të Shëndetësisë.

Përveç Presidentit Trump dhe SHBA, Kina u kritikua ashpër edhe nga shtetet tjera të botës, për shkak të hapave fillestar në luftën kundër epidemisë.

Gjithçka filloi në Wuhan, e shumë theksojnë se autoritetet kineze i mbyllën gojën mjekëve që donin ta paralajmërojnë botën për atë se çfarë po ndodhë vërtetë.

Përveç kësaj, kanë shtyrë lajmet mbi epideminë dhe përdorën kohën në mënyrë që të furnizohen sa më mirë me pajisje mbrojtëse. Kina ka importuar 2.5 miliardë pajisje mbrojtëse, PPE, ku përfshiheshin 2 miliardë maska, dhe atë për periudhën prej 24 Janarit deri më 29 shkurt, theksojnë kinezët në raportet e tyre zyrtare.

Kur virusi braktisi kufijtë e Kinës, filluan thirrjet intensive diplomatike dhe përpjekjet kineze për donacione të pajisjeve mbrojtëse në gjithë botën. Pikërisht këto pajisje me të cilat u furnizuan para pjesës tjetër të botës, më vonë e ndanë me shtetet tjera.

Amerikanët theksojnë se është e sigurt që virusi është krijuar në laborator kinez, por lidhur me këtë deklaratë nuk japin asnjë dëshmi.

Kina nuk është përgjigjur në pyetjet e Newsweek lidhur me të gjitha këto çështje, por gjatë një konference për media presidenti kinez Xi theksoi se kurrë nuk ka mbajtë një mbledhje të tillë ose ka realizuar çfarë lloj kontakti me Tedrosin. pafrike.al © Të gjitha të drejtat e rezervuara