Përgjigje Thaçit, Borrel: Dialogu nuk mund të anashkalohet!
Pasi Presidentini Kosovës, Hashim Thaçi, tha se nuk do të marrë pjesë në dialogun Kosovë-Serbi që kryesohet nga Miroslav Lajçak, ka reaguar Përfaqësuesi i Lartë për Politikën e Jashtme dhe të Sigurisë pranë BE, Josep Borrell, duke e bërë të qartë se dialogu i ndërmjetësuar nga Bashkimi Evropian nuk mund të anashkalohet sepse e Kosova dhe Serbia kanë të ardhme evropiane.
“Ballkani Perëndimor, përfshirë Kosovën dhe Serbinë, ka të ardhme evropiane. Si BE ne jemi të përkushtuar t’i shoqërojmë ata në çdo hap të rrugës së tyre,” thekson Borrel në reagimin e tij përmes rrjetit social Twitter duke përfunduar:
“Por, që e ardhmja evropiane të bëhet realitet për njerëzit, dialogu i ndërmjetësuar nga BE-ja nuk mund të anashkalohet.”
Ndonëse nuk është e qartë pse Bashkimi Evropian emëroi antishqiptarin Mirosllav Lajçak, si përfaqësues të posaçëm për dialogu Kosovë-Serbi, pas këtij emërimi, Gjermania dhe Franca fuke kërkuar që dialogu ndërmjet Kosovës dhe Serbisë të rifillojë, pëmes ministrit të Jashtëm gjerman, Heiko Maas dhe atij francez, Jean-Yves Le Drian e bënë të qartë se ata e kishin zgjedhur:
“Shtetet anëtare të BE-së kanë nominuar njërin prej diplomatëve më të aftë, Miroslav Lajçakun në postin e të dërguarit të posaçëm për dialogun ndërmjet Prishtinës dhe Beogradit.”
Ndryshe, një ditë më parë presidenti i Kosovës, Hashim Thaçi, tha se për zgjidhjen e problemeve me Serbinë, Kosova duhet të bashkohet me të gjithë, por duhet të bëjë edhe diferencimin e partnerëve të saj strategjikë se kush mund të zhvillojë negociatat, të përmbyllë marrëveshjen dhe të zbatojë atë ndërsa ai vet nuk e ka vullnetin që të përfshihet në procesin e negociatave që udhëhiqet nga Lajçak.
Dialogu Kosovë-Serbi është ndërprerë nga Serbia që një vit e gjysmë pasi Kosova vendosi taksën 100 për qind për produktet e Serbisë. SHBA dhe BE kërkuan heqjen e kësaj takse si kusht për rifillimin e dialogut, Qeveria Haradinaj refuzoi ndërsa Qeveria Kurti pasi heqi taksën më 1 prill dhe vendosi masën e reciprocitetit për produktet e Serbisë, sot Beogradi thotë se kjo masë është shumë më e keqe se taksa 100 për qind.
