Këshilli Politik, Bylykbashi: Mazhoranca nuk është e gatshme të pranojë votimin elektronik dhe…

Përfaqësuesi i Opozitës i Bashkuar, Oerd Bylybashi, tha pas takimit të radhës sē Këshillit Politik për Reformën Zgjedhore se mazhoranca nuk është e gatshme të pranojë votimin elektronik dhe identifikimin biometrik. Pa arritur kompromis për këtë çështje, vlerëson Opozita e Bashkuar, është e vështirë të arrihet kompromis për çështje të tjera si administrata zgjedhore.

Ndērsa përfaqësuesi i mazhorancës në Këshill, Damian Gjiknuri tha krejtësisht diçka tjetër. Palët, sipas Gjiknurit, kanë rënë dakord për votim elektronik, por kërkohet një plan për zbatim.

“Debat në lidhje me votimin elektronik dhe identifikimin biometrik. Për fat të keq për ne doli qartë qëndrimi i mazhorancës që nuk është e gatshme të ecë në këtë drejtim, të fusë identifikimin biometrik në të gjitha qendrat e votimit për të garantuar që kutitë e votimit nuk mbushen, nuk do që të mos ketë votim në emër të emigrantëve që nuk kanë ardhur kurrë në Shqipëri, të mos ketë votim familjar, që komisionerët të mos mbushin kutitë në mbylljen e procesit të votimit për ata që nuk erdhën të votonin dhe të mos votohet me karta identiteti të falsifikuara.

PS e bëri të qartë që nuk ishe e gatshme për këtë. Kjo është një nga temat kryesore të opozitës prej vitesh për garantimin e kutisë që kur të numërohet të numërohen votat e vërteta të zgjedhësve dhe jo fals.”

Pa arritur kompromis për këtë çështje, tha Bylykbashi, është e vështirë të arrihet kompromis për çështje të tjera.

“Presim që mbledhjen e nesërme në orën 11:00, mazhoranca të vijë me një propozim ku të jetë e qartë. Identifikimi biometrik duhet të jetë në të gjitha qendrat e votimit në zgjedhjet e ardhshme, të ketë një pilot për votimin elektronik dhe kjo të dalë e qartë jo si opsion i mundshëm për KQZ por një detyrim për të dhe qeverinë. Qeveria të vendosë paratë në mënyrë që shqiptarëve të mos u manipulohen zgjedhjet.”

Gjiknuri: Kërkojmë depolitizim të administratës zgjedhore

Nuk dihet se si do të arrihet kompromisi për Reformēn Zgjedhore, por 48 orē para skadimit të afatit, palët flasin gjëra krejtësisht të kundërta. Përfaqësuesi i Partisë Socialiste në Këshillin Politik, Damian Gjiknuri, pas takimit tha se palët kanë rënë dakord për votim elektronik ndonëse Opozita e Bashkuar deklaron ndryshe, dhe e pranoi se ndarja ekziston tek depolitizimi i zgjedhjeve.

“Sot kishim mbledhjen ku u trajtua roli i policisë, parandalimi i krimit zgjedhor, masat ekstreme që kërkon opozita përfshirë edhe kamerat. Kemi debat edhe për përfshirjen e teknologjisë në zgjedhje. Ne kemi rënë dakord për votim elektronik në zgjedhje. Kërkohet identifikimi i zgjedhësve dhe përfshirja ku është e mundur të votimit dhe numërimit elektronik. Ne duam, por ODIHR thotë se teknologjia duhet të përfshihet gradualisht dhe në mënyrë të qartë. Nuk është cështje dëshire, por duhet parë.

Jemi dakord për teknologjinë. Por zgjedhjet nuk mund të vihen në diskutim, është apo jo teknologjia. Uroj që kjo të mos përdoret si sebep. Kemi rënë dakord për hapje të kutive normalisht, monitorimi i qendrave të votimit me kamera etj. Por ne nuk kemi dhënë dot garanci 100 përqind. ODIHR ka kthyer përgjigje e thotë se rekomandohet se teknologjia nuk duhet më shumë se 10 përqind e duhet bërë shkallë shkallë. Por edhe votimi tradicional njihet nga ndërkombëtarët.”

Pas kētij takimi të Këshillit Politik, Gjiknuri sërish bëri politikë duke u munduar të bindë opinionin se është mazhoranca ajo qē kërkon depolitizimin e zgjedhjeve, dhe se është opozita që kërkon përfaqësues politik.

“Ne jemi për depolitizim të administratës zgjedhore. Mirëpo, opozita u tërhoq. Dispozitat janë gati. Ka vend edhe për propozimet që ka dhënë opozita. Besoj se kemi formulë alternative kompromisi. Por jo çdo dëshirë mund të kthehet në realitet. Për praninë e policisë në zgjedhje, nuk ka model që të ketë drejtor policie për zgjedhje. Kjo nuk njihet në asnjë vend të botës. Policia nuk është vetëm për organ i përkohshëm për zgjedhje. Policia ka misione të tjera. Ka standard për policimin.”

Gjiknuri e pranoi se janë kërmuar sisteme të ndryshme por ato do të diskutohen pas miratimit të Kodit Zgjedhor.

“Çështja e sistemit do të lihet pas miratimit të Kodit Zgjedhor. Megjithatë, nëse të gjitha partitë bien dakord për një sistem atëherë jemi dakord.”