Dështimi i radhës, Këshilli Politik, Bylykbashi: Të gjitha propozimet e opozitës janë refuzuar!
Edhe pas 4 orë debatesh, Këshilli Politik për Reformën Zgjedhore sot në mbledhjen e radhës, vetëm një ditë para skadimit të afatit, nuk arriti konsensusin. Në fund të mbledhjes, Përfaqësuesi i Opozitës së Bashkuar në Këshillin Politik, Oerd Bylykbashi, tha se propozimet e opozitës pavarësisht se garantojnë votën e zgjedhësve janë refuzuar. Ndërsa Përfaqësuesi i PS në Këshillin Politik, Damian Gjiknuri tha se pika e madhe që na ndan është përfshirja e teknologjisë 100% në zgjedhje dhe reformimi i administratës zgjedhore bazuar në kriteret apolitike.
Përfaqësuesi i PD në Këshillin Politik, Oerd Bylykbashi, më qartë se kurrë tha se të gjitha propozimet e opozitës janë refuzuar
“Të gjitha propozimet tona janë refuzuar. Pavarësisht fleksibilitetit të opozitës, ne jemi përballur me refuzim të çështjeve që garantojnë procesin zgjedhor. Deri më sot opozita cdo kërkesë që ka bërë i është refuzuar nga PS, që nuk ka në interesin e saj interesin e zgjedhësve”.
Përfaqësuesi i LSI në Këshillin Politik, Petrit Vasili, tha se ende nuk ka marrëveshje sa i takon përket implementimit të teknologjisë në procesin e votimit.
“Me një votim normal s’mund t’i fitojë këto zgjedhje edhe është kapur si i mbyturi pas një fije bari qe të marrë e vjedhë votat në tavolinë. Të mbushë kutitë në tavolinë ashtu siç bëri në 30 qershor që ju deshën më shumë se 4 javë për kutitë që i mbushte. Pa kthim është asnjë cm më poshtë nga standardet që tani ekzistojnë e të hyjmë në një rrugë që s’ka ekzistuar kurrë,” tha Vasili duke shtuar se sot PS ka vetëm një strategji:
“Ta minojë reformën të rrëmbejë votat në komisione të paligjshme dhe të shkojë drejt miratimit të njëanshëm të Reformës Zgjedhore dhe të bëjë sikur harron që tre çështje të mëdha në 15 kushtet janë Reforma Zgjedhore zbatimi i saj dhe hetimi i Krimit Elektoral.”
Përfaqësuesi i PS në tryezë Damian Gjiknuri tregoi çështjet që po i mban peng palët drejt dakortësisë.
“Pika e madhe që na ndan është përfshirja e teknologjisë 100% në zgjedhje dhe reformimi i administratës zgjedhore bazuar në kriteret apolitike.
Sa i përket teknologjisë vullneti i PS ka qenë i qartë, u angazhuam të aplikojmë identifikimin elektronik të zgjedhësve dhe votimin elektronik por përtej dëshirës, iu drejtuam ekspertëve të ODIHR që na thanë se sistemi elektronik duhet të implementohet gradualisht duke filluar me projekt pilot jo më tepër se 10%. Ne po themi ta shtrijmë edhe përtej 10% e zonat ti zgjedhë opozita, i thashë hajde ti drejtohemi ODIHR po na ktheu përgjigje pozitive e heq dorë nga opinioni i parë po e marrim atë risk. Se mund të vihen në rrezik zgjedhjet,ne do mundohemi të adoptojmë pretendimet logjike te opozites, nuk vihet me kushte e listë dëshirash që vetëm kjo e zgjidh problemin se unë nuk e di ku janë mbushur këto kuti kaq masive.
Kush është ai i cmendur që do mbushë kutitë kur e di që do kontrollohet? Tani është e kundërta merret materiali zgjedhor e fletët e votimit e kjo është transparencë që asnjë opozitë nuk e ka pasur. Cdo qendër votimi do jetë e regjistruar me kamera çdo proces, ja edhe kjo është garanci ekstra, se thonë që nuk është arritur asgjë”.
Ndërrkohë i pyetur se në rast të dështimit të këtij Këshilli Politik, a do ta votojë e vetme mazhoranca reformen zgjedhore, Damia Gjiknuri u shprehë:
“Shpresoj që mos të jenë sebepe për ta hedhur në erë këtë reformë, PS i ka pasur votat edhe me partitë e tjera parlamentare në Kuvend, por ne nuk është se këtë garanci që e kishim e lamë thjesht se donim një mendim paraprak të PD ne duam të gjejmë rregulla zgjedhore të përbashkëta, por s’duhet të mbahemi peng. Do synoj deri ne fund te gjej konsensus mbi baza parimore dhe mbi rekomandimet e ODIHR.”
