Bashkia e Tiranës, PD e PS nisin garën pa LSI/ Ja kandidatët potencialë…
Megjithëse zgjedhjet vendore janë vitin e ardhshëm, pak a shumë 1 vit më pas, duket se dy partitë kryesore në vend, socialistët e Edi Ramës dhe demokratët e Lulzim Bashës kanë nisur përgatitjet.
Pafrike.al u interesua pranbë dy partive kryesore rreth emrave që kuotohen më shumë për t’u kandiduar, ndërsa duket se jashtë vëmendjes së tyre është çdo kandidaturë e LSI-së.
Në këtë kuadër duket se dy partitë kryesore do të bëjnë llogaritë pa aleatët e tyre, përfshi këtu edhe Lëvizjen Socialiste për Integrim.
Pa frikë. al ka mësuar se socialistët kanë dy emra që sot për sot konsiderohen si kandidatët potencialë, Erjon Veliaj dhe Lindita Nikolla, ministre e Arsimit.
Madje sipas të dhënave nga PS, Veliaj dhe Nikolla janë pothuajse në të njëjtat kuota.
Në anën tjetër, në kampin e PD-së, emrat që përfliten janë Jorida Tabaku dhe Oriola Pampuri. Të dy deputetet e Tiranës vlerësohen me kuotat më të larta në rradhët e demokratëve, çka duket s e përzgjedhja e kandidaturës mund të jetë e vështirë.
Pa frikë.al ka mësuar se duket se secila parti ka një strategji të veçantë, atë të përballjes së emrave. Pra nëse socialistët do të përzgjedhin Veliajn për një tjetër mandate në krye të bashkisë, PD ka gati kandidaturën e Jorida Tabakut, e cila më parë ka mbajtur pozicionin e nënkryetares së Bashkisë së Tiranës, gjatë kohës që kjo e fundit drejtohej nga Lulzim Basha. Ndërsa nëse socialistët do të zgjedhin Lindita Nikollën, demokratët kanë gati Oriola Pampurin.
Duket se zgjedhjet e vitit të ardhshëm nuk do të jetë thjesht një përballje muskujsh mes dy partive politike, por edhe emrash dhe atë që ato përfaqësojnë.
