Marrëveshja për Reformën Zgjedhore, Basha: Ka mbetur një çështje pa zgjidhur!
Pasi Ambasadorja e SHBA në Tiranë, Yuri Kim, bëri të ditur se ka një Marrëveshje për Reformën Zgjedhore dhe është në pritje të dakordësisë nga lideri i Opozitës së Bashkuar, Lulzim Basha, ky i fundit tha se ka mbetur një çështje pa zgjidhur.
“Është bërë progres, drejt dakordësisë për administrim zgjedhor. Ka mbetur një çështje pa zgjidhur,” tha Lulzim Basha duke përfunduar:
“Dua të siguroj shqiptarët që Opozita e Bashkuar do bëjë gjithçka për votën e lirë dhe të ndershme.”
Ndryshe, pas përfundimit të Këshillit Politik, Ambasadorja e SHBA në Tiranë, Yuri Kim në një dalje publike me Ambasadorin e BE-së, Luigi Soreca dhe Ambasadorit britanik, Duncan Norman, tha se e kanë atë që mund të jetë një marrëveshje që e fut Shqipërinë në një rrugë drejt BE dhe topi, siç u shpreh Ambasadorja Kim, “është në fushën e mikut tim Luli Basha”.
