Çmimi karburantit/ Protestat paralizojnë Serbinë: Vetëm shqiptarët paguajnë më shumë se ne!

Pas rritjes së çmimit të karburantit në Serbi, qytetarët kanë protestuar, siç thonë ata, fillimisht me vetëm një orë protesta nga ora 17 deri në orën 18, me paralajmërimin se nuk do të tolerojnë  një sjellje të tillë të shtetit, dhe të revoltuar theksojnë se nuk do të lejojnë një çmim të karburantit, ku vetëm Shqipëria në rajon e ka më lartë.

“Unë nuk jam për bllokimin e rrugëve, por siç duket nuk ka tjetër mënyrë. Të jem i sinqertë, nuk e kam menduar se protesta do jetë kaq masive dhe për këtë arsye u nisa tek një mik me makinë. E pranoj, isha kureshtar, dhe kisha dëshirë të shoh se çfarë do të ndodhë. Nuk më vjen keq fare që mbeta në mes të kolonës së makinave. Vetë jam fajtor, e tani më vjen mirë që jam këtu dhe mbështesë plotësisht shoferët që protestojnë. Nëse do të vazhdohet me protesta, do të jem në kolonë i pari,” tha një protestues në Novi Sad i cili nga një pjesëmarrës i rastësishëm u shndërrua në kryengritës të zjarrtë kundër rritjes së çmimit të karburantit.

Shumë prej shoferëve protestues mbanin jelek me mbishkrimin “Kam mbetur pa karburant”, disa mbanin makinat hapur, dhe, siç u shprehën para gazetarëve, për policët që silleshin vërdallë ata makinën e kishin të prishur, edhe pse përkundër pjesëmarrjes masive në çdo qytet nuk është shënuar asnjë incident, theksojnë protestuesit.

Por bllokimi i rrugëve ka krijuar edhe një situatë, ku të gjitha qendrat e qyteteve, për shkak të bllokimit të arterieve kryesore ishin bosh. I tillë ishte Novi Sadi ku protestuesit nuk çanin kokën për policët, dhe kohën e bllokimit të rrugëve e kaluan duke luajtur futboll.

Dhe deri sa shqiptarët heshtin dhe serbët protestojnë për çmimin e karburantit duke paralajmëruar masa edhe më ekstreme, ministri serb i energjetikës dhe minierave, Alkesandar Antiç tha se pret uljen e çmimit të karburanteve e nëse nuk ndodhë një gjë e tillë qeveria do të shqyrtojë uljen e akcizës deri në 20 për qind.

Por kjo për Shoqatën e Kompanive të Naftës dhe protestuesit serb që tashmë dolën në rrugë dhe protesta e tyre u realizua me shumë sukses nuk është e mjaftueshme, dhe ata i bënë me dije shtetit, se është ai i cili nga çdo litër i naftës merr 53.8 për qind të çmimit dhe nga çdo litër i benzinës 55.2 për qind.

Çdo protestues kishte në dispozicion informacionin jo vetëm për çmimin e shitje dhe blerjes por edhe për dhe çmimet e karburantit në vendet e rajonit:

Çmimet e benzinës në rajon (euro)

Greqi           1,54

Kroaci         1,45

Shqipëri      1,42

Mali Zi         1,41

Slloveni       1,35

Serbi           1,29

Hungari       1,21

Rumani       1,20

Maqedoni   1,19

Bullgari       1,13

BeH            1,09

 Çmimet e naftës në rajon (euro)

 Shqipëri   1,42

Serbi         1,36

Kroaci       1,36

Greqi         1,31

Slloveni     1,30

Mali Zi       1,30

Hungari     1,27

Rumani     1,25

Bullgari     1,14

BeH           1,07

Maqedoni 1,05

Në fund të protestës, me urimet për protestat në vijim, në rrjetet sociale u paraqitë edhe kjo fotografi: