KPK shkarkon gjyqtaren e Saimir Tahirit. Pritet shtyrja e gjyqit të ish-ministrit…

Komisioni i Pavarur i Kualifikimit, KPK, ka shkaktuar Gjyqtaren e Apelit të Gjykatës kundër Krimit të Organizuar dhe Korrupsionit, Nure Dreni, për siç u tha problemeve me pasurinë. Nure Dreni është një nga tre anëtaret e trupës gjykuese të çështjes së Ish-Ministrit të Brendshëm, Saimir Tahiri, në Apelin e GJKKO dhe ajo tashmë pritet të  zëvendësohet nga një tjetër gjyqtare.

Në seancën dëgjimore, KPK hodhi pikëpyetje mbi pasaktësitë në deklarimin e pasurisë së gjyqtares si dhe pamjaftueshmërinë financiare të shpenzimeve të vajzave të saj të cilat i ka çuar me studime në Angli.

Largimi i Nure Drenit nga çështja “Saimir Tahiri” do të shkaktojë dhe shtyrjen e procesit pasi vetëm mbrojtja e Tahirit e prezantuar seancën e fundit ishte 138 faqe.

Seanca për shpalljen e vendimit është caktuar më 24 Qershor por me ndryshimin e rrethanave pritet që kjo seancë të shtyhet.