Shpërthen Idrizi i PDIU: Diplomaci e maviosur, çështja çame nuk është në agjendën e Ramës

Kryetari i PDIU-së, Shpëtim Idrizi, ka drejtuar një seri akuzash në drejtim të qeverisë dhe opozitës lidhur me çështjen çame.

“Sido që të marrin votat, të na marrin mandatet, nuk mund të zhbëjnë se nga veriu në jug, do na kenë si një thumb, ngulur në trurin e tyre.

Nuk e prishin dot këtë lëvizje, pasi kjo është partia e madhe. Ata mund të vjedhin mandatin e Idrizit, Takut, Mesilës, por nuk e vjedhin dot misionin tonë.

Se vjedhin dot Çamërinë, sado që të flasësh për të, sado të përbetohesh për të. Pas një viti që u krye ai turp, siç ishin zgjedhjet, pasojat janë këto. Ata tentuan të lënë jashtë Kuvendit PDIU. Jo vetëm për të patur tepsinë me veten, por u bë e qartë kur çështja çame nuk përfshihet në programin e qeverisë”, tha Idrizi.

Në vijim ai shtoi se çështja çame zgjidhet me seriozisht kur këta zotërinj të njohin të vërtetën e historisë, edhe si këta që na kanë rënë në derë, pas 3 vjetësh sokëllima e morën vesh se ca ishte cështja came dhe dikush e dinte si grumbull katundesh, më është dashur tu mësoj historinë e camërisë politikanëve shqiptarë.

“Diplomatët e sotëm të mavijosur të shohin me seriozitet këtë cësjtje, paka jonë duhet të jetë e përfaqësuar në Strasburg nga avokati i popullit.

Lekët që shoku Rama dhe zoti Basha i harxhuan për foto me Trump në Amerikë apo lobim patriotik që ti marrë me sy të mirë Amerika nuk janë pak të bëjnë lobim në SHBA për çamërinë, për të rrëfyer në senat e kongres këtë tragjedi.

Nëse do kishin dy fije ndërgjegje kombëtare do ia kishin treguar botës me kohë këtë fatkeqësi të madhe,  por nuk e bëjnë se pushteti është interesi më i madh i tyre. Nuk na mundi Enveri, e jo më ta na mundin pinjollët e tij dhe fantazmat e hashashit.

Nuk kemi përballë vetëm Greqinë, por edhe sojin e squllur përballë Athinës, atyre që janë garipa kur janë në Tiranë, por vasale e të shitur në Athinë”, theksoi kreu i PDIU.