Edi Rama refuzon, PD vazhdon dhe sjellë propozime: Ja si të përzgjedhet KQZ!

Pas dy refuzimeve tnga Edi Rama, Opozita e Bashkuar i ka dërguar mazhorancës propozimin e tretë  për formulën e përzgjedhjes së përbërjes së re të Komisionit Qendror të ri të Zgjedhjeve, KQZ.

Përzgjedhja e kandidatëve, propozon Opozita e Bashkuar, të bëhet në një Komision Parlamentar, ku opozita jashtëparlamentare do të ketë një përfaqësues të vetin me të drejtë vetoje. Ky përfaqësues zgjedh 2 nga 5 anëtarët të Rregullatorit dhe 2 nga 5 anëtarët e Komisionit të Apelimit e Sanksioneve, ndërsa shumica zgjedh 3. Më pas Parlamenti miraton ose rrëzon në bllok të 5 të përzgjedhurit.

Sa i takon Komisionerit Shtetëror të Zgjedhjeve, Opozita e Bashkuar propozon që Partia Socialiste të zgjedhe 4 kandidatë, përfaqësuesi i opozitës përjashton 2 dhe Parlamenti zgjedh 1 nga 2 të mbeturit.

Ndryshe, para publikimit të këtij propozimi, Përfaqësuesi i PS në Këshilin Politik, Damian Gjiknuri  kërkoi mbledhjen e  Këshillit për ditën e mërkurë në ora 17.00 për të miratuar të plotë Draftin  e amendimeve për Kodin e Ri Elektoral për t’ia përcjell Komisionit të Posaçëm parlamentar  për miratim brenda datës 30  qershor.