Përplasja me armë, 1 i vdekur dhe 5 të plagosur

Një person ka mbetur i vdekur dhe 5 të tjerë janë plagosur pas përplasjes me armë mëngjesin e sotëm në Hallaq të Lipjanit.

Zëdhënësja e Policisë në Rajonin e Prishtinës, Flora Ahmeti, duke dhënë detajet tha se ngjarja ka ndodhur rreth orës 7:00, ku janë plagosur 6 persona, njëri prej të cilve nuk përballoj plagët e mara nga arma e zjarrit dhe ndërroi jetë

“Sot rreth orës 07:00, policia ka marrë informacionin për një plagosje me armë zjarri në fshatin Hallaq i madh të Lipjanit. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes. Bazuar në të dhënat fillestare në këtë vend janë plagosur 6 persona, prej tyre një person nuk mundur t’u përballoj plagëve të mara nga arma e zjarrit ka ndërruar jetë. Vdekjen e viktimës e ka konstatuar ekipi mjekësor në QKUK,” tha Ahmeti.

Viktima dhe 5 të plagosurit në fshatin Hallaq, janë nga Ribari i Madh i Lipjanit dhe janë të një familje. Mësohet se konflikti ka ndodhur për shkak se fëmijët e tyre ishin rrahur një ditë më parë.

Pesë të plagosurit po trajtohen në QKUK ndërkohë hetimet vazhdojnë!