OBSH: Po testohen 17 vaksina kundër koronavirusit

Janë duke u testuar 17 vaksina të mundshme kundër koronavirusit, ka bërë të ditur Organizata Botërore e Shëndetësisë. Më së shumti ka ecur përpara me shqyrtimin klinik të vaksinës, Universiteti britanik Oxford, thekson OBSH në fund të konferencës dyditore mbi studimin e koronavirusit.

Organizata Botërore e Shëndetësisë thekson se është optimiste edhe sikur shqyrtimet klinike që po zhvillohen të mos kenë sukses.

“Kemi një hapësirë me katër vaksina të ndryshme,” tha përgjegjësja për kërkime dhe zhvillim në OBSH, Ana Maria Henao Restrepo.

Në kërkim të vaksinës kundër koronavirusit aktualisht po analizohen më shumë se 150 çështje.

Vaksina e parë e cila është futur në fazën e tretë të shqyrtimit klinik është AZD1222 e Oxfordit. Pra, ka filluar testimi i përmasave të mëdha, në numër shumë të madh njerëzish, në mënyrë që të konfirmohet nëse vaksina është efikase dhe e sigurt përkatësisht shkakton efekte anësore.

Janë edhe pesë çështje në fazën e dytë të studimit klinik në të cilat veprimi i tyre shqyrtohet në një numër më të vogël të të sëmurëve në mënyrë që të konstatohet nëse ka efikasitet.

Në fazën e parë, studimet klinike zbatohen në persona të shëndoshë në mënyrë që të konfirmohet reagimi i tyre në çështjen e hulumtuar.

Studimet klinike për vaksinën vazhdojnë në Gjermani, duke përfshirë këtu  kompanitë BioNTech në Mainz dhe CureVac në Tübingen.

Nuk është ende e qartë nëse vaksina do të jetë e gatshme për treg deri në fund të vitit, por aktualisht kreu i shkencëtarëve të OBSH, Soumya Swaminathan vetëm po shpreson.

Ndryshe, për zhvillimin e një vaksine, në kushte normale, duhen 10-15 vjet, por përhapja globale e koronavirusit ka nxitur një numër të madh të shkencëtarëve dhe kompanive farmaceutike për të shtuar angazhimet e tyre të paprecedent në kërkim të vaksinës.