“Propozimi Ivi Kaso”, përplasje në PD Dega Këlcyrë!

Përzgjedhja e kandidatëve për deputetë dhe kryetarë të bashkive në Partinë Demokratike, si proces i rrallë demokratik, ka parashikuar dhe shumë të papritura, por ajo që ndodhi në PD Dega Këlcyrë, ka tejakluar edhe parashikimet.

Në kuadër të fazës së parë kur filloi propozimi nga anëtarët e partisë e ku secili e kishte të qartë se ka të drejtën të propozojë vetëm një kandidat, Nënkryetari i Shoqatës së të Përndjekurëve Antikomunist në Këlcyrë, Foti Stefanidhi, si i burogusur politik që ka vuajtur në burgjet e Spaçit dhe Qafë Barit, dhe personalitet i njohur në këtë zonë, propozoi për deputet Feruz Meto Pulën, por jo gjithçka vijoi siç e thotë Udhëzimi. Filluan debatet se nga është Zoti Feruzi, nëse është nga Këlcyra, a majfton nëse është nga Qarku i Gjirokastër dhe a mund të jetë deputet i kandiduar nga kjo Degaë, duke krijuar dhe debate të panevojshme.

Në këtë klimë të elektrizuar, pika që derdhi gotën ishte propozimi i Agron Tahirajt dhe arroganca e tij. Ai propozoi për deputet Ivi Kason, i cili nuk u prit mirë nga të pranishmit si për emrin e propozuar ashtu dhe njeriun i cili e propozoi.

Pavarësisht faktit se kishim të bëjmë me Sekretarin për Çështje Zgjedhore të PD, kandidatura e Ivi Kasos u kontestua nga të pranishmit për shkak të babait të tij hetues të diktaturës, Spiro Kaso, ndërsa u konsideruar provokim meqë u propozua Agron Tahiraj, një emër i njohur për zonën, i cili ishte dhe inxhinier i pyjeve në kohën e diktaturës i cili tenoi ta prishë dhe mbledhjen.

Grupi i Koordinimit nga Tirana ishte aty për monitoruar procesin ndërsa Ervin Salianji si personalitet i nderuar ndër demokratët e zonës ai i cili qetësoi situatën dhe uli tensionet tek ata që u ndjenë relativisht të fyer.

Grupi i Koordinimit nga Tirana pas Këlcyrës vazhdoi realizimin e procesit drejtë Përmetit, proces i cili në kuadër të kësaj faze të parë është parashikuar të përmbyllet, si i tëri, në Shqipëri, më 31 Korrik 2020, për tu pasuar me fazën e dytë të verifikimit dhe seleksionimit të kandidatëve.

Ndryshe, bazuar në Vendimin e Kryesisës së Partisë Demokratike mbi përzgjedhjen e kandidatëve për deputetë dhe kryetarë të bashkive, të vetmit që nuk do të mund të jenë pjesë e garës janë personat që janë subjekt i ligjit të Dekriminalizimit, kanë qenë funksionar të lartë para viteve 90 apo bashkëpunëtor të sigurimit të shtetit ndërsa garantohet që gratë, të rinjtë, të përndjekurit dhe pronarët do të kenë një përfaqësim dinjitoz në listën e deputeteve të PD.