Kryqëzimi i autostradave A6-A7.1, gati mbikalimi i Banullës

Ministria e Infrastrukturës e Kosovës informon publikun se ka përfunduar montimi i trave në mbikalimin e Banullës, kryqëzimi i autostradës A6 me autostradën A7.1.

Tani trafiku është duke u zhvilluar me një korsi, por duke filluar prej nesër, 12 korrrik 2020, autostrada do të jetë e plotë për qarkullim.

Falë angazhimit të stafit të MI-së, dinamikës së shtuar të punimeve dhe kompanisë kontraktuese, punimet e parapara të kryhen për dy ditë, janë kryer brenda dite, thekson Ministria e Infrastrukturës e Kosovës.