S’ka vetting, jep dorëheqje gjyqtari i Apelit në Tiranë, Alaudin Malaj

Jep dorëheqje gjyqtari i Gjykatës së Apelit në Tiranë, Alaudin Malaj.

Në kërkesën drejtuar kryetares së KLGJ-së, Naureda Llagami, gjyqtari i Gjykatës së Apelit në Tiranë, Alaudin Malaj thekson se jep dorëheqje për shkak të një marrëdhënie tjetër pune, e cila sipas tij, nis më 1 gusht 2020.

Me këtë veprim Alaudin Malaj i shmanget procesit të vettingut dhe provave nga hetimi i thelluar i Komisionit të Posaçëm të Kualifikimit i cili ka filluar dy vjet më parë kur u fut dhe në ingranazhin e akuzave politike si një gjyqtar dhe ish-kryetar gjykate që i ka shërbyer politikës.

Ndryshe, ish-kreu i Gjykatës së Apelit, Alaudin Malaj, është paditur në vitin 2016 nga ILDKP për fshehje të pasurisë, madje ka pasur dyshime për transferta të dyshimta jashtë vendit. Sipas ILDKP, Alaudin Malaj për 4 viteve kishte pasur rreth 125.6 milionë lekë të ardhura si dhe dy apartamente, ku nuk ka deklaruar vlerën.