Bravo çunat e SPAK, Edi Rama: 14 të pandehur nga PD-LSI dhe 8 nga PS!
Përveç se mashtroi Bashkimin Evropian me arrestimin e 22 komisionerëve në emër të dënimit të krimit elektoral, SPAK është kujdesur të mos zemëroj edhe “shefin e madh”. E Kryeministri Edi Rama nuk vonoi duke reaguar pas këtij aksioni të SPAK, zbuloi dhe një detaj shtesë nga arrestimet, se 14 na paskan qenë komisionerë të PD-LSI dhe 8 nga PS!
Arrestimi i komisionerëve politikë të dosjes së famshme të Dibrës, nxjerr në pah psenë e domosdoshmërisë së depolitizimit të administratës zgjedhore! 14 të pandehur të PDLSI dhe 8 të PS janë prova se kush bërtet më shumë e nuk do depolitizim, i ka duart të zhytura thellë në llum!,” tha duke reaguar përmes rrjetit social Twitter bashkëautori i këtij llumi dhe llumit opozitar me të cilin mendon të miratoj ndryshimet kushtetuese më 30 Qershor. Por Kryeministri nuk ndalon vetëm me kaq!
Depolitizimi i administratës zgjedhore ndonëse u vendos në Këshillin Politik që të realizohet për zgjedhjet e ardhshme, Edi Rama me ndihmën e SPAK po çon përpara edhe realizimin e qëllimit të Kryeministrit, që këtë administratë ta “depolitizoj” para se të largohet nga pushteti:
“Për mua janë 22 individë të gabuar, në vendin e gabuar dhe detyrën e gabuar, që duhet të shërbejnë si shembull i padiskutueshëm për largimin përfundimtar të partive politike nga komisionet e zgjedhjeve! Le të vendosë drejtësia për ta pa dallim dhe mësimi për ne është: DEPOLITIZIM!”
Ndryshe, arrestimet e SPAK përveç se të dyshimta nga komisionerët e arrestuar dhe jo një mori deputetësh dhe zyrtarësh të PS që u indetifikuan nga përgjimet e BILD që ishin siguruar nga Prokuroria, pas kësaj deklarate të Kryeministrit Edi Rama dëshmon se ka dhe një aftësi të veçantë që nuk e gjen te prokurorët e botës: Gjeti dhe arrestoi komisionerë që kishin vjedhur votat për PD dhe LSI, në mënyrë që ato ti humbin zgjedhjet!
Kjo tragji-komedi nuk ka se si përfundon ndryshe, përveç se me slloganin e përdorur jo rrallë nga Ministri i Brendshëm i Edi Ramës, i akuzuar për formimin e grupit të strukturuar kriminal, Saimir Tahiri, i c ili në këtë rast do të thoshte:
Bravo çunat e SPAK!
