SKANDALI 339, SPAK lëshon urdhër arreste për 2 të vdekur. Edi Ramës 14+8 i dalin 20 të pandehur!
Skandali i Prokurorisë së Posaçme Kundër Korrupsionit dhe Krimit të Organizuar, SPAK, me manipulimin e luftës së krimit elektoral thellohet edhe më shumë me Dosjen 339 pasi dy urdhër arrrestet janë lëshuar për komisionerë zgjedhor që kanë ndërruar jetë. Kreu i SPAK, Arben Kraja, e ka konfirmuar faktin se nga oficerët e policisë gjyqësore që kanë mbërritur në shtëpitë e dy komisionerëve janë informuar se ata kishin ndërruar jetë por çuditë fakti se si kryeministri Edi Rama ishte i painformuar pasi bëri bilancin politik të pandehurve!
“Hetimet janë sekrete, dhe në bëmë sipas ligjit verifikimet në regjistrin e gjendjes civile ku dy komisionerët Kasem Lala dhe Besim Bregu rezultonin që nuk ishin crregjistruar dhe më pas ne premë urdhrin e arrestit. Por përmes familjarëve, ata kishin rënë në dijeni për faktin ase ata kishin ndërruar jetë 1 muaj apo 1 muaj e gjysmë më parë,” tha Kraja për BW duke përfunduar:
“Në këto kushte, për këtë rast do të duhet të njoftojmë gjykatën, ku përmes një certifikate vdekje, SPAK duhet të pushojë hetimet, pasi s’mund të hetohet një i vdekur.”
Tashmë pritet reagimi i Kryeministrit të painformuar Edi Rama i cili dihet se nuk çanë kokën për demokratët qofshin këta edhe komisionerë të procesit zgjedhor, por pasi bëri bilancin politik të pandehurve shkeli edhe mbi trupin e komisionierit socialist i cili tashmë është e qartë se nuk ishte i pandehur, por, i vdekur.
Ja që gabon edhe matematicienti i njohur shqiptar, Edi Rama, që kritikon ditë e natë rivalin e tij politik, dhe jo gjtihmonë 18+4 bëjnë 22 arrestuar, sepse kur ke një SPAK politik dhe nuk heton në terren por në zyrën e Kryeministrit, rezulton se 2 kanë vdekur dhe janë 20 të pandehur: 13 nga PD-LSI dhe 7 nga PS!
Në fund pritet reagimi i SPAK nëse do të hap hetime për kreun e saj Arben Kraja i cili gënjeu edhe për njerëzit që kanë ndërruar jetë, kur njeri prej tyre nuk ka as 1 muaj dhe as 1 muaj e gjysmë më parë që ka ndërruar jetë por dhjetorin e vitit 2018. Kjo është drejtësia që do Edi Rama!
Ndryshe, SPAK ka manipuluar me Dosjen 339 në emër të dënimit të krimit elektoral vetëm për të hapur negociatat me BE dhe duke arrestuar komisionerë të parëndësishëm të një krimi, ku përgjimet e prokurorisë të publikuara nga BILD i kanë identifikuar.
