Me 42 mijë paund nga Londra, dogana në Rinas i sekuestron si të padeklaruara

Një shqiptari nga Londra i janë sekuestruar 42 mijë paund të padeklaruara nga dogana në Rinas.

Strukturat Doganore gjatë kontrollit të ushtruar në bashkëpunim me punonjësit e Policisë Kufitare, për pasagjerët e linjës ajrore Wizz Air e cila po vinte nga Luton në Rinas, konstatuan tek një person i identifikuar si B.K. një valixhe brenda të cilës kishte 42.000 paund.

Shuma e parave të padeklarara u sekuestruan në cilësinë e provës materiale.B.K akuzohet për veprën penale “Mosdeklarimi i të hollave në kufi dhe sendeve me vlerë”.