Amerika dhe Polonia firmosin marrëveshje për bashkëpunim ushtarak

Shtetet e Bashkuara dhe Polonia firmosën sot një marrëveshje për bashkëpunim ushtarak. Marrëveshja në kuadër të forcave të NATO-s, mundëson që forcat amerikane të kenë qasje për instalime ushtarake shtesë në Poloni.

Rreth 4.500 trupa amerikane ndodhen aktualisht në Poloni dhe ky numër do të shtohet me një mijë të tjera, sipas një marrëveshje mes dy vendeve një vit më parë.

Në korrik, Pentagoni tha se rreth 12 mijë trupa do të largohen nga Gjermania prej të cilave 5, 600 do të stacionoheshin në vende të tjera të Evropës, përfshi Poloninë.

Zhvendosja e trupave,, raporton VOA, është në përputhje me kërkesën e Presidentit Donald Trump për të zvogëluar praninë ushtarake në Gjermani.