Shteti ka rënë!

nga Prof.Ass.Dr.Gazment Koduzi

Në debatet politike që bëj me miqtë të cilët janë larguar nga Shqipëria ne vitet e mbrapshta 1997-1999, argumenti që ata kanë pro Ramës është “po bën shtet”, sepse akoma e krahasojnë Shqipërinë me momentin kur kanë ikur.

Ky opinion është krijuar ditë pas dite nën ndikimin e propagandës. Ka tri ditë që këta miq, por edhe shumë qytetarë që jetojnë dhe punojnë në Greqi, dhe mbase kanë ardhur ta votojnë Ramën në vitin 2013, po shikojnë që jo vetëm nuk ka bërë shtet, por nuk ka shtet fare.

Nëse do kishte shtet, ne nuk do ishim të fundit në rajon me 15553 testime/ milion banorë; nuk do ishim të izoluar për shkak të mungesës së masave për të menaxhuar situatën.

Nëse do kishte shtet, qytetarët do ishin informuar për kriteret që kërkohen nga shtetet kufitare për të hyrë.

Nëse do kishte shtet, menjëherë sa u krijuan radhët, në kufi duhej të shkonte një ekip personeli nga IShP, dhe të kryente testimin e qytetarëve shqiptarë së bashku me kolegët grekë, analizat të kryheshin në Tiranë, dhe të ndanin informacionin realtime me grekët.

Vetëm kështu, shteti tregon që kujdeset për qytetarët si dhe kryen një depistim të popullatës.

Por, ky shtet, ka në krye një Kryeepidemiolog, që i jep mend fqinjëve se pse kryejnë testime dhe mbrojnë qytetarët e tyre.

Të dashur shqiptarë, fajin për situatën nuk jua ka as Saliu që ju hoqi vizat, as Lul Basha që ishte Ministër i Brendshëm kur u hoqën vizat dhe tani është drejtues i opozitës, por fajtori i vetëm Edi Rama.

Atij duhet ti shkoni në Dhërmi ku po pushon, dhe ta hidhni në det.