Përkujtohet 71 vjetori i masakrës së Qafë Valmirit

Sot në Shpal, u zhvillua një ceremoni përkujtimore në nderim të martirëve antikomunistë të pushktuar më 17 gusht të vitit 1949 në Qafë të Valmirit në Mirditë.

Në përkujtim të varjes dhe pushkatimit të 14 burrave të Mirditës, familjarë, Shoqata Antikomuniste e të Përndjekurve Politik dhe Përfaqësues të Partisë Demokratike, morën pjesë në ceremoninë e cila u zhvillua në kompleksin memorial të martirëve në varrezën e Kishës në Qafë Valmirit.

Ndryshe, kjo masakër e regjimit të egër komunist, është bërë 71- vjet më parë dhe 5- vjet pas çlirimit të Shqipërisë!

Këta janë 14 Burrat e Mirdites, prej të cilëve katër të parët janë varur në litar , dhjetë të tjeret janë pushkatuar në vendin e çuajtur Qafa Valmirit, më 17 Gusht 1949!

• Preng Dede Gjomarkaj, Orosh, varet në litar.
• Pjetër Dode Vila, Kaçinar, varet në litar.
• Dodë Mark Biba, Malaj , Tene, varet në litar
• Dode Llesh Paloka, Kaçinar, varet në litar .
• Nikollë Bardhok Bajraktari, Rrëshen, pushkatohet.
• Nikoll Llesh Bajraktari, Bulshar, Orosh, pushkatohet.
• Llesh Gjon Melyshi, Malaj, pushkatohet.
• Ndrecë Mark Ndoj, Kaçinar, pushkatohet.
• Preng Shkurt Nikolli, Gryke Orosh pushkatohet.
• Bardhok Dodë Gjini, Prosek, pushkatohet.
• Frrok Ndue Mata, Kaçinar, pushkatohet.
• Gjergj Keç Beleshi Kthelle e Eper pushkatohet .
• Gjok Gjin Kaçi, Bukmirë, pushkatohet.
• Ndoc Gjet Cupi, Pshqesh, Shpal pushkatohet.

Viktimat e kësaj masakre nga viti vitit 1993 janë “Martirë të Demokracisë “, me Dekretin e Presidentit të Republikës Nr. 631 me këtë motivacion:

“Atdhetar me shpirtë e veprimtari, aktivistë të vendosur e mbeshtetës të shquar të luftëtarëve të maleve shqiptare kundër diktaturës komuniste . Të ekzekutuar në shenjë hakmarrje nga terrorizmi i kuq, emri i tyre mbetet në altarin e demokracisë shqiptare.”

Me 21 Qershor 2017 , Presidenti Bujar Nishani të 14 Martirëve të Demokracisë u ka dhënë ” Dekoratën e Artë të Shqiponjës “.