Ekzekutohet me dy plumba në kokë emigranti shqiptar në Greqi

Një emigrant shqiptar është ekzekutuar me dy plumba në kokë, në Greqi. Mediat greke raportojnë se ngjarja ka ndodhur në Kavala të Greqisë, ku është gjetur i vrarë shqiptari 58-vjeçar.

Ai punonte në mbledhjen e ullinjve, kur është gjetur nga pronari i tij, i cili fillimisht ka dyshuar për infarkt dhe ka njoftuar menjëherë ambulancën. Më pas, mjekët kanë konstatuar se shqiptari ishte qëlluar dy herë me armë në kokë.

Shqiptari 58-vjeç jetonte dhe punonte prej vitesh në zonën e Pagaiu të Kavalas, raporton BW, ndërsa policia ka nisur hetimet për të zbardhur shkaqet e vrasjes së tij.