Rekord i ri në Wall Street

Çmimet e aksioneve në Wall Street janë rritur dukshëm me ç’rast indeksi S&P 500 dhe Nasdaq kanë arritur rekorde të reja pasi investitorët u inkurajuan nga lajmet mbi përparimin në luftën kundër koronavirusit.

Dow Jones është forcuar me 378 pikë ose 1.35 për qind, në 28.308 pikë, derisa S&P 500 është rritur për 1 për qind, në nivelin rekord 3.431 pikë, ndërsa indeksi Nasdaq me 0.60 për qind, në nivelin rekord 11.379 pikë.

Klima e mirë në treg është arritur me lajmet mbi përparimin në shërimin nga koronavirusi. Qeveria amerikane, në fakt, ka miratuar përdorimin e plazmës së gjakut të njerëzve që janë shëruar nga COVID-19, për shërimin e të sëmurve.

Edhe pse Organizata Botërore e Shëndetësisë është skeptike në lidhje me këtë lloj shërimi për shkak të dhënave jo aq cilësore, investitorët janë inkurajuar  nga një hap drejt shërimit të sëmurëve, thonë analistët.

Nga 11 sektorët më të rëndësishëm të indeksit S&P 500, çmimet e 10 prej tyre janë rritur, dhe pjesa më e madhe në sektorin financiar dhe energjetik.

Duke i falënderuar rritjes së indeksit Dow Jones tani, nga niveli i saj rekord që u arrit në muajin shkurt, është rritur me 4.2 për qind, derisa për dallim nga fillimi i vitit është në minus 0.8 posto.

Ndërkohë Nasdaq nga fillimi i vitit ka shënuar një humbje prej rreth 27 për qind, e S&P 500 rreth 6 për qind.

Kështu, përkundër rimëkëmbjes së ngadalshme të ekonomisë nga recesioni i thellë dhe përhapjes së koronavirusit në SHBA, indeksi Nasdaq dhe S&P 500 kanë kompensuar të gjitha humbjet që nga shpërthimi i koronakrizës dhe po lëvizin drejtë niveleve rekord.

Një rimëkëmbje kaq e shpejtë e indekseve bëhet fal masave nxitëse të papara fiskale dhe atyre monetare nga ana e qeverisë amerikane, me vlera prej mijëra miliarda dollarësh.

Këto nxitje fiskale dhe monetare kanë përmbytur tregjet amerikane financiare me para cash, e në kërkim të rendimenteve sa më të mëdha, investitorët i kanë drejtuar paratë në aksione.

Gjithsesi, ka hamendësime nëse rritja e çmimeve të aksioneve është e arsyeshme, duke pasur parasysh gjendjen në të cilën ndodhet ekonomia amerikane, por edhe në bursat evropiane, çmimet e aksioneve janë rritur

Indeksi londinez FTSE është rritur për 1.71 për qind, në 6.104 pikë, derisa ai i Frankfurtit DAX është rritur për 2.36 për qind, në 13.066 pikë, e ai parisien CAC 2.28 për qind, në 5.007 pikë.