E frikshme/ Të infektuar për herë të dytë me koronavirus, 2 raste në Evropë!

Një pacient në Holandë dhe një Belgjikë janë infektuar për herë të dytë me koronavirus, ka bërë të ditur sot televizioni holandez NOS duke ju referuar virologëve.

Ky lajm u publikua pas raportit të shkencëtarëve në Hong Kong për një pacient mashkull i cili është infektuar sërish, vetëm katër e muaj e gjysmë pasi ishte shëruar nga COVID-19.

NOS raporton se virologia Marion Koopmans foli për një pacient holandez të moshuar me imunitet të dobësuar. Janë raste të njohura, tha ajo, kur njerëzit kanë qenë të sëmurë për një kohë të gjatë nga virusi, në mënyrë që ai sërish të shpërthej.

Mirëpo, riinfeksioni i vërtetë, siç u shënua në Holandë, Belgjikë dhe Hong Kong, kërkon testim gjenetik të virusit në infeksionin e parë dhe të dytë, për tu konstatuar nëse ndryshojnë viruset.

Virologia Marion Koopmans thotë se duhet vërtetuar nëse kjo ndodhë shpesh.

Pacienti belg kishte simptoma të lehta tha virologu Marc Van Ranst, raporton NOS.

“Por ky nuk është lajm i mirë,” tha Dr.Van Ranst.

Ky rast, sipas tij, tregon se antitrupat që i ka zhvilluar pacienti gjatë infektimit të parë me virus nuk ishin të mjaftueshme për parandalimin e infeksionit të dytë, me një variant ndryshe të virusit.

Van Ranst thotë se nuk dihet nëse raste të tilla janë të rralla:

“Ose ka shumë më shumë njerëz që janë infektuar sërish pas gjashtë ose shtatë muajve.“