Komandanti i Gardës Kombëtare të Iowas viziton ushtarët e FSK në SHBA

Në Shtetet e Bashkuara, SHBA, ushtarët e Forcës së Sigurisë së Kosovës, FSK, janë duke ndjekur trajnimin e specializuar të mjekësisë luftarake, ku dhe u vizituan nga Komandanti i Gardës Kombëtare të Iwoas, gjeneral major Ben Corell.

“Pjesëtarët e FSK-së që janë duke ndjekur trajnimin e specializuar të mjekësisë luftarake në SHBA u vizituan edhe nga komandanti i Gardës Kombëtare të Iowas, gjeneral major Ben Corell. Bashkë me kolegët dhe instruktorët e tyre amerikanë nga Instituti i Trajnimeve, djemtë dhe vashat tona demonstruan praktikisht shkathtësitë e tyre të fituara për kujdesin ndaj të plagosurve në fushëbetejë,” thekson Ministria e Mbrojtjes e Kosovës përmes një komunikate.

Partneriteti me Gardën Kombëtare të Iowas, sipas Ministrisë së Mbrojtjes, është vlerë e pazëvendësueshme tash e 9 vite dhe se është faktori kryesor i të arriturave të deritashme në aftësitë dhe kapacitetet operacionale të FSK-së