Komisioni Parlamentar, ja si artikulohet “live” integrimi: Dëgjo këtu ti pederast m*ti!

Për pengesat e integrimit të Shqipërisë në Bashkimin Evropian nga Brukseli zyrtar dhe jo vetëm është folur shumë; janë diskutuar shumë dhe kushtetet e ndryshme që janë vënë nga shtetet anëtare të BE, por kurrë nuk është folur për nivelin e angazhimit të deputetëve të Parlamentit të Shqipërisë në procesin e integrimit. Por sot në Komisionin për Integrim Evropian ndërsa diskutohej mbi procesin e hapjes së negociatave të Shqipërisë me Bashkimin Evropian, qytetarët kishin mundësi ta shohin “live” se si artikulohet ky angazhim dhe mënyra se si kërkohet hapja e negociatave.

“Dëgjo këtu ti pederast m*ti,” u dëgjua një zë teksa kryetarja e Komisionit, Rudina Hajdari, thërret emrat e deputetëve të pranishëm në mbledhje.

Ky integrues shqiptar është e qartë se flet me një deputet ndërsa ka harruar mikrofonin ndezur, por përgjigja dëshmon se ky është një komunikim i zakonshëm që nuk ka të bëjë me rastësinë:

“Pse ça bëra unë?” është zëri i deputetit që nuk kundërshton “komplimentet” e dhëna nga kolegu ndonëse nuk është e qartë në mes të cilëve deputetë u zhvillua ky debat integrues që jep dhe përgjigjen se pse nuk na duan në familjen evropiane.

Kur shohin këtë nivel të deputetëve nuk mund ta imagjinojnë ose më mirë të themi nuk duan ta imagjinojnë se si është elektorati që i ka votuar.

Ai që është ofenduar nga Holanda dhe Franca pse nuk na hapen negociatat me BE, e ka shumë të lehtë! Në fundprillin e vitit 2021, duke i dhënë fund këtyre bastardëve ordinerë, mund ti dëshmojnë shteteve skeptike se gjithçka ka një fund, si skepticizimi i tyre ashtu dhe arsyeja e këtij përceptimi për Shqipërinë.