Serbi, një avion MIG-21 kishin dhe ai iu rrëzua. Piloti mbeti i vdekur!
Serbia kishte një avion luftarak MIG-21 dhe ai u rrëzua mëngjesin e sotëm afër Zvornikut të Vogël ndërsa njëri prej pilotëve mbeti i vdekur në vend pasi nuk i funksionoi katapulti.
Avioni MIG-21 I Ushtrsië së Serbisë u rrëzua rreth orës 09:00 afër fshatit Brasin te Zvorniku i Vogël. Ministria e Mbrojtjes tha se avioni u rrëzua gjatë një fluturimi rutinë dhe pasi pilotët nuk arritën të katapultohen njëri mbeti i vdekur në vend ndërsa tjetri u gjetë i vdekur pas 7 orë kërkimi në terren. Ndërkohë mbeti i plagosur një fshatar, në oborrin e të cilit ra avioni.
Avioni i vetëm
Ministria e Mbrojtjes tha se avioni MIG-21 që u rrëzua ishte kontrolluar mëngjesin e sotëm ashtu siç e kërkojnë protokollet, dhe pas kontrolleve të duhura është konstatuar se ai është i rregullt për të fluturuar, raporton Televizioni Publik i Serbisë, RTS. Në vendin e ngjarjes përveç zjarrfikëseve dhe ambulancave janë dhe organet që po hetojnë shkaqet e rënies.
Për opinionin serb ky MIG-21 është i njohur pasi pas shumë kohësh, verën e këtij viti fluturoi mbi qiellin serb.
Nga viti 2015 Ushtria e Serbisë kishte vetëm tre avionë me dy ulëse, njëri prej të cilëve ishte çarmatos. Mirëpo edhe të tjerët nuk fluturuan më.
Në qershorin e këtij mediat raportuan se “deveja me dy gunga” sërish fluturoi.
Portali i njohur “Tangosiks” raportoi se nga Aeroporti i Batajnicës, pas dy viteve fluturoi modeli më i ri me numër serik 16158. Sipas fotografive nga vendngjarja e aksidentit të sotëm, bazuar në raportet e mediave, shihet se në bishtin e avionit figuron pikërisht ky numër serik.
