Aksident tragjik, humb jetën një punëtor në Minierën e Trepçës

Një punëtor ka humbur jetën në Minierën e Trepçës. Kryeinspektori i Komisionit të Pavarur për Miniera dhe Minerare, Fatmir Gërguri, tha se punëtori ishte duke punuar në njësinë përkatëse flotacion.

Fatmir Gërguri sqaroi për KosovaPress se punëtori është zënë nga shiriti derisa ishte duke punuar, ku e ka humbur krahun, por detaje tjera rreth rastit tragjik ende nuk dihen.

“Aksidenti me fatalitet ka ndodhur te njësia përkatëse, flotacioni. Detaje tjera nuk kemi, inspektorati ka dalë në vend të ngjarjes dhe e do të japin detaje. E ka zënë shiriti ku fillimisht e ka humbur krahun por se si ka ndodh nuk kemi informata, pas pak do të dihet gjithçka,”, tha Kryeinspektori i Komisionit të Pavarur për Miniera dhe Minerare, Fatmir Gërguri.