Përgjige Edi Ramës, Basha: Pas çdo gërrvërri ti fsheh vjedhje prej miliona eurosh!

Pasi Kryeministri Edi Rama e cilësoi Planin për Rimëkëmbjen Ekonomike të PD si një tramvaj me shalqi që nuk piqen kurrë, me Ilirin makinist, Monikën fatorino, Saliun shkarkues gazrash dhe vetë Lulin pasagjer VIP, Kryetari i Partisë Demokratike, Lulzim Basha, shprehet se gërrvërret prej palaçoje nuk e mbulojnë krizën ku i ka zhytur njerëzit Rama.

“Gërrvërret prej palaçoje nuk e mbulojnë dot dështimin tënd dhe krizën ku i ke zhytur njerëzit,” shprehet Lulzim Basha në përgjigjen e tij drejtuar Kryemnistrit Edi Rama përmes rrjetit social Twitter duke përfunduar:

“Pas çdo gërrvërri ti fsheh vjedhjet e qeverisë prej miliona eurosh, si mbrëmë me inceneratorët. Para që duhet të shkojnë te shëndetësia, të papunët, pensionistët e biznesi në krizë.”