Armenia e gatshme për bisedimet e paqes për Nagorno Karabak

Armenia është shprehur sot e gatshme të përfshihet në bisedimet për paqe të ndërmjetësuara nga Organizata për Siguri dhe Bashkëpunim në Evropë, OSBE, derisa udhëheqësit ndërkombëtarë vazhdojnë të bëjnë thirrje dhënien fund të luftimeve me forcat e Azerbajxhanit, për rajonin e shkëputur të Nagorno Karabakut.

Ministria e Jashtme në Jerevan tha sot përmes një deklarate se mirëpret thirrjen e përbashkët të Francës, Rusisë dhe Shteteve të Bashkuara – i ashtuquajturi Grupi i Minskut – për një ndërprerje të menjëhershme të luftimeve.

SHBA, Rusia dhe Franca, raporton RFE, gjithashtu u bëri thirrje udhëheqësve të Armenisë dhe Azerbajxhanit që të angazhohen pa vonesë për të rifilluar negociatat thelbësore, me mirëbesim dhe pa parakushte.