Edi Rama firmos marrëveshjen me SHBA, ndërtimi i HEC-it të Skavicës

Kryeministri Edi Rama me rastin e nënshkrimit të një memorandumi bashkëpunimi ekonomik me Nënsekretarin e SHBA për Zhvillimin Ekonomik, Energjinë dhe Mjedisin, Keith Krach, tha se kjo do të ndikojë ndjeshëm në hapjen e një kapitulli të ri për investimet e drejtpërdrejta jo vetëm amerikane, por edhe të vendeve të tjera të huaja në Shqipëri.

“Dua ta falënderoj me gjithë zemër Nënsekretarin e SHBA për të kurorëzuar një proces të nisur dhe përgatitur falë përfshirjes së drejtpërdrejtë të ambasadores, duke nënshkruar një marrëveshje bashkëpunimi ekonomik mes SHBA dhe Shqipërisë.

Përmes Nënsekretarit, dëshiroj t’i përcjell publikisht presidentit Trump urimin më të sinqertë për një shërim sa më të shpejtë. Memorandumi që nënshkruam sot për bashkëpunimin ekonomik faktikisht do të ndikojë ndjeshëm në hapjen e një kapitulli të ri për investimet e drejtpërdrejta jo vetëm amerikane, por edhe të huaja në Shqipëri. Do të rrisë eksportet shqiptare dhe do të fusë në rrugën përfundimtare të realizimit ndërtimin e HEC-it të Skavicës. Gjë që e kthen Shqipërinë nga një vend i pasur nga burimet energjetike, por i varur nga moti, në një vend sovran në aspektin e prodhimit të energjisë.”

Duke nxitur bizneset të vazhdojnë në këtë biznes, ku qeveria amerikane hedh hapin e parë, duke u futur dhe angazhuar vetë për të mbështetur me ekspertizën dhe teknologjinë e vet, si dhe me financimin, për ndërtimin e Skavicës, Edi Rama foli dhe për impaktin e madh që do të ketë ky hap, por edhe hapat e tjerë të kompanive amerikane, ndërsa përfundoi:

“Për ne paraja që vjen për t’u investuar në Shqipëri nuk është një para që vlen njësoj si kur vjen nga një vend mik, si kur vjen nga vende që nuk hyjnë ndër miqtë tanë më të preferuar dhe nuk janë aleatë strategjikë të Shqipërisë. Në këtë rast ne jemi posaçërisht të kujdesshëm. Ndërkohë që do bëjmë çmos që paraja që vjen nga vendet mike të mos ketë pengesa dhe të përkthehet në rritje ekonomike, punësim e përfitim reciprok.”

Nënsekretari Krach: Miqësi në kohë të mira e të vështira!

Ndërkohë Nënsekretari i SHBA për Zhvillimin Ekonomik, Energjinë dhe Mjedisin, Keith Krach, tha se mes dy vendeve miqësia vlen si në kohë të mira dhe në momente të vështira.

“Dëshiroj që t’ju falënderoj juve dhe popullin shqiptar, për mirëqenjohjen. Miqësi në kohë të mira dhe në kohë të vështira. Ju uroj shërim të shpejt të gjithë shqiptarëve që vuajnë nga COVID-i dhe ata që kanë humbur familjarë. Aleanca transatlantike është aq e fortë sa hallka e saj më e dobët. Rregullat e BE për 5G të pastër, janë bërë për këto rregulla. Rrjeti i pastër trajton kërcënimet nga mungesa e privatësisë. Rrjeti i pastër është i rrënjosur me standarde të BE. Ai përfaqëson standarde të ndërtuara nga koalicionet e shume besuara. Mbi 20 vende të NATO-s janë pjesë e rrjetit të pastër. Si Mbretëria e Bashkuar, Franca, Sllovania, Letonia, Kosova, etj, kanë zgjedhur që të përfshijnë shitës të besueshme në infrastrukturën e besuar. Ju falënderoj zoti kryeministër për angazhimin tuaj dhe që jemi përfshirë në valën e besueshme 5G. Shqipëria është bashkuar me valën e rrjetit te pastër. Kjo është arsyeja që jam i kënaqur që t’i bashkohem ministres Denaj për të firmos një memorandum. Zoti e bekoftë vendin e bekuar të Shqipërisë,” tha Nënsekretari amerikan duke shtuar se mbështetja e Shqipërisë në përkrahje të rrjeteve të sigurta të telekomunikacionit po jep një shembull të fortë.

“Kërcënimi i privatësisë së të dhënave intelektuale dhe sigurisë kombëtare. Ky kërcënim vjen nga ndërhyrja e aktorëve malinjë, Partia komuniste kineze. Mbështetja juaj e hapur në përkrahje të rrjeteve të sigurta të telekomunikacionit po jep një shembull të fortë. Është një model. Ashtu si zyrtarët e NATO dhe BE-së me të cilët kam folur e kuptojnë se aleanca transatlantike është aq e fortë sa hallka e saj më e dobët. Janë të gjithë të vendosur të refuzojnë të gjithë këto mjete që shërbejnë si mundësi për të survejuar vende të tjera. Shqipëria është një vend i rrugës së pastër. Shqipëria është bashkuar me valën e rrugës së pastër dhe ne jemi të kënaqur,” tha Nënsekretari i SHBA për Zhvillimin Ekonomik, Energjinë dhe Mjedisin, Keith Krach, duke e cilësuar si një hap të rëndësishëm për shtrirjen e bashkëpunimit dhe investimeve amerikane ndërsa përfundoi:

“Është projekt i rëndësishëm, nuk mund të kishte zgjedhur partner më të mirë për ndërtimin. Skavica do ti sjellë Shqipërisë energji shtesë. Ky projekt historik do jetë pasuri kombëtare për popullin e Shqipërisë.”